Za-ukphung Dohtlennak Strategy Zoh le Ruah thannak

Za-ukphung duhmi hna nih KRU (Kawl Ralkap BU) dohnak kum 21 nak chungah a lut cuahmah cang. Laimi zong za-ukphung le mahte uknaknawl caah doh`hlennak tuahnak kum 20 a tling ve cang. Dohthlennak tuahnak caan a sau ngai cang. Za-ukphung le mahte uknak hna bel an rim hman theih khawh an si rih lo. Ralkap cozah an `hawngchin lengmang. Dohtu pawl lei bel tumchuk lei panh a si. A ruang tampi a um lai. Cu lakah doh-thlennak tuahnak ah (strategy) ah chambaunak hi a ruangbik lakah pakhat si ve dawh a si. Cu caah doh-thlennak tuahning hi zoh`han a herh cang ko timi le, hman khawhmi strategy hna kong hi, hi capar nih langhter ai zuam duhmi asi.

KRU hruaitu hna Tazacuai khawhnak

Vawlei cung ram tampi, a bik in Europe ram pawl nih universal jurisdiction or Extraterritorial Jurisdiction (ETJ) timi phung tangah ramdangmi-genocide le crime against humanity tbk. sualnak a ngeih or a ngeih tiah puhmi kha an bia an ceih khawh hna. Cu bantuk legal phung a ngeimi ram Spain tbk. ram ah SPDC lutlai pawl an ningin or Than Shwe lawng maw or KRU officer sualnak a ngeimi poah a cunglei ram pawl court ah tazacuai khawh an si. Than Shwe hi Kawlrammi poah (victim) nih tazacuai khawh a si. Amah belte hi pawl tazacuainak hi cu symbolism deuh a si. E.g Than Shwe hi ramdang court nih sual phawtnak (sentence) tuah hna hmanhsehlaw, thong ah an thla kho tak lai lo. Nain  politically in hmual a ngei tak takmi a si.

International Criminal Court (ICC) ah tazacuai khawh an si rih. Amahbelte ICC ahcun UNSC le state party lawng nih mi pakhat kha ICC ah report an tuah khawh. Cu caah Than Shwe ICC ah tazacuai khomi cu UNSC lawng a si. Than Shwe le SPDC nih genocide/CAH an tuah timi langhter khawh hi a biapi ngaimi a si. NGOs tampi Prevent Genocide International (PGI) tbk. le media tampi nih SPDC nih G/CAH miphun tlawm hna cungah an tuah tiah `ialmi tampi a um cang. Shan ram hrawng minung 500,000 hrawng an thih, khua in an zam (dislocate), tlau tbk. le khua 3500 hrawng ralkap nih an hrawhmi vialte zong hi cazin `ha tein an chiah dih ko ti asi. Cun Indiana University ah Professor a simi Dr. William le a hawi le nih KRU nih genocide, crime against humanity le ethnic cleansing sualnak an tuah le tuahnak theih khawhnak caah evidence an khawmh lio a si. Evidence `ha tein a um ahcun ICC ah chuahpi an timi a si ti a si (RFA). ICC biachahnak cu (enforceable) hnekchihnak hmual a ngeimi a si. Amahbelte Kawl ram cu ICC chungtel a si lo caah Than Shwe hi sualphawt sihmanh- sehlaw, tleihkhih le thongthlak-a bikin amah lutlai a si chungah- si dawh a si lo nain, a ca ah vawlei a dih/nun hnawh chan a um ti lo ti khawh a si. e.g ICC chungtel ram a simi chungah a kal ngam/kho ti lai lo. Ramdang ah a ngeihmi thil- ramdang bank ah tangka a chiahmi tbk. chuh (freeze) khawh a si.

United Nations General Assembly ah

           

KRU cu mipi thimmi cozah a si lo caah mizeiram hmanh nih siseh, UN nih siseh phungtling cozah (legitimate) ah cohlanmi an si lo. UNGA chungtel ram cozah hna `ha tein dor hna le chimh thiam hna ahcun SPDC ai-ah NCGUB (National Coalition of Government of Union of Burma) or (exile cozah pakhat khat) tu cohlan dingah hal khawhnak lam a um. KRU hi UNGA chungtel sinakin chuah an si ahcun an dir khawhnak lam ding a tlawm ngai cang. UNGA ahcun SPDC tanhtu Russia le China zong nih zeihmanh an tuah kho ti lai lo. Cun Kawl za-ukphung caah cawlcanghnak hi nitlak lei ram le ramdang tampi nih an tanh dih cangmi a si caah ruahchanhnak a um ngai ko. A bikin US le a dang nitlak lei ram UK, France tbk. nih biatak tein an cawl ahcun har tuk dawh a si lo. Hi strategy hi NCGUB zong nih tuahhram an thok/ceih ngai cang ti theih a si.

China le Russia Chawnhbiak hna

Atu tiang dohthlennak tuahnak ah nitlak ram cozah lawngte dor an si, China le Russia cu ral hmuh in hmuh i doh thlorh in doh hi palhnak ngan ngai ngai si dawh asi. China le Russia hi UNSC ah veto power ngeimi ram an si pinah economy zongah a `hawng tukmi an si. China le Russia nih nitlak ram pawl an herh hna bantukin nitlak ram zong nih an herh ve hna. Sanctions vialte zong China le Russia nih KRU an dirkamh chung poah cu hmual a ngeih ding tlukin a ngei kho lai lo. UNSC zong cawmpei kebei bantuk tluk ceo a si peng lai caah, za-ukphung hmuhnak ding caah bochan awk a tlak lo. SPDC nunnak cu China le Russia ah a ummi a si caah hi ram hnih hna hi za-uk phung duhtu lei ah `ang ding or SPDC dir kamh ti lo dingin chimh khawh ahcun teinak cu a hla ti hnga lo.

           

Russia caah cun Kawlram cu a biapimi a si lo caah Russia nakin China hi lemsoi hardeuh dawh an si. Nain thachiat ding or si kho lo ding cun ruah ding a si lo. E.g Rampi hna caah mithmai hi a biapi tukmi a si. National interests le thil dang ruangah an tuah biatu a si. E.g China nih SPDC ruangah ningzahnak zeizat dah a tawn cang. Cun China foreign policy hi ai thleng pah thluahmah. Ram le cozah sual- rogue states pawl Burma, Sudan tbk. hi a kaltaak thluahmah cang hna tiah hmuhmi an um len cang. Za-ukphung caah dortu hna nih China biakchawnh tikah strategy tampi hman khawhmi an um tung ko. Hrocer khawhnak lam zong a ummi a si ko. Kawlram ah Tuluk 2.5 million hrawng a ummi zong hi China cozah nih biapi ngai ah a ruahmi a si. Mipi maw nan kan thim lai mitlawm te a hmun lo SPDC dah tbk. hman khawhmi tactic a tampi.

           

Cun indirect in nitlak cozah US tbk. hmang in China le Russia hi chimhchawnh khawh an si rih. US nih an tuah ngai ko cang hih. President Bush zong nih China hruaitu Kawlram kong a chimh pah lengmang hnanak theih ciomi a si. Atu Obama zong nih Kawlram kong biatak tein a ruah le tuannak hnga lobby biatak teih tuah a herhmi a si. US nih sanctions zong fak chinchin a tuah zong a biapi. US le nitlak ram hna nih Canada bantukin “total sanctions” an tuah ve nak hnga, ASEAN le ramdang Japan tbk. nih biatak deuh in `anhpi zong a herh ngai ngaimi an si.

Hriamnam Thazang in

           

Hriamnam thazang in dohnak hi phun hnihin ramdang cozah pakhat nih ralkap thazang in KRU tuk (direct military intervention) le Kawlram mipi nih hriamnam tleih in SPDC dohnak tiah zoh tuah usih. US nih SPDC hi raktu seh tihi mipi tam deuhpi nih or duhdihmi a si tiah ruah a si. International law tang zongin a tuk khawhnak lam hi a um len ko tiah ruah a si fawn. Nain a tuknak hi 0% a si ti zong hi cathiam le thil theimi nih cun theihmi a si fawn. Nain ruahchannak ni (hope of ray) tlang tlawm te cu a hun um cang. Obama cozah caah ruahzulh ding (policy paper) William Cohen (former Secretary of Defence) le Madeline Albright (former Secretary of State) hruainak in tialmi ah genocide tbk hi a herh ahcun ralkap thazang hmangin resolve dingah forfialnak-recommend an tuah. Hriamnam thazang hmannak hi: US ralkap nih direct in anmah nih tuan- mitleih or tuk-kah le cozah thalo hriamnam tlaiin a dohtu bu pawl kha US cozah nih bawmhnak tiah a um.

           

Cu caah SPDC nih genocide/crime against humanity le ethnic cleansing sualnak a tuah ko tiah US cozah tha tein chimh khawh ahcun US nih KRU hi a tuk khawhmi a si. Hriamnam he SPDC a doh cuahmi CNF/KNU le KNPP tbk ca zong thawng tha ngai a si. Kawlram politics buainak hi daihnak in resolve tuah khawh a si ti lo tiah a ruat i, hriamnak lak ai timmi hna caah zongah thawngtha ngai a si fawn. KRU nih uknak hi an tlaih khawh chung poah cu thlah an tim lo timi cu theih cio cangmi a si caah diplomatic lam in dohnak tuahpah in hriamnam thazaangin dohnak kong zong hi biatak tein ruah a herh cang. A lam a ummi poah in doh a herh cang. Laimi zong nih ram le miphun nih miphun dang kuttangin luatnak, mahte uk (self-determination) hmuhkhawhnak hnga, fak deuh in ruah le tuan a herh tuk cang. Na ram le miphun nih saltannak chungin khamhchuah dingah an auh cuahmah ko. Zeitindah na leh lai?  

Note: Hi capar nih  huap ai zuammi hi a kauh ngai caah a tawinak ngai tial a si. Careltu nih lungfiang lomi or biahal duhmi um ahcun catialtu sinah hal khawh a si. Contact: T.T Lian Thawng-email: ttlian2002@yahoo.com