Kan Umnak Vawlei Hi Zeitindah A Um Te Lai?

               

Ni a velmi Arfi hna khi Planet an ti. Pakua an si an ti tawn. Cuhna lakah a ngan bikmi cu Jupiter  a si. Kan umnak  vawlei nakin a let hleikhat in a ngan deuh. Scientist (Saitis in kan tial lai) hna nih cun planet dang a um rih lai tiah an zumh. A thli tein 1982 in an rak kawl len cang. April 2003 ah khan Planet dang pakhat an hmuh than i, Planet pahranak an ti. Asinain, hlanlio Samarian pawl (Babylon) mythology (hlanlio tuanbia ah “Nibiru” Planet kong hi fakpi in an rak chim. Cucaah hi planet hi “Nibiru” tiah a min an sak. Nibiru cu Arfi sen ki ngei a si. Jupiter tia hrawng a si. Thla Paruk a ngei i, a paruknak cu kan vawlei tia hi a si. Arfi an rak chuahnak Galaxy in a rak chuak i, kan umnak vawlei lei panh in a rak zuang len ko tiah an ti. 12.12.2012 ah cun Ni le vawlei karlak ah a ra lai i, vawlei dat (gravitation) a dihdih lai i, vawlei ah harnak nganpi a tlung lai tiah Saitis hna nih an zumh. Saitis le Arfi lei a cawngmi (Astronomers) hna nih cun thlanglei (south pole) ah Telescope Observatory Centre nganpi an ser. Nibiru kawng cu an rak hlathlai len ko ti a si! Hi planet hi Planet of Crossing an ti fawn. Asullam cu planet dang hna kalning dan loin, Ni a vel ve ko nain, a dang in a kal i, kum 3600 dan ah kan umnak vawlei buaiter dingin a ra tawn. Cu ruang ahcun vawlei cungah harnak fakpi a tlunter tawn ! Atlantis rillipi a tlaumi hna, Noah chan lio i tilet a thomi hna kha a si tiah saitis nih cun an ti. Hi kawng hi tulio vawleicung i an ni buaipi bikmi pakhat a si caah theih fian duh ah internet ka zoh tawn. Internet i (Nibiru) kong hi zing fatin tein, keimah bantuk in vawlei mitampi nih an rak zoh ve timi Computer ah a rak i lang tawn.

Internet  ah an tialning cu Laiholh in hitihin a si                                                      

“Kan Galaxy (Arfi umnak ram) ahhin kum 3600 dan ah planet pakhat cu vawlei le Ni karlak ah a rak lut i a pal lengmang tawn. April 2003 ah khan hi planet sen hi hmanbilu a nganmi in vawlei in an rak hmuh hmasa. Vawlei thil aa thlen lai nakding fianter hram a rak i thawk. Vawleicung ram ngan pipi hna nih hi planet sen a ngan ngaimi kongah hin zeihmanh an chim rih lo. Asullam cu hi thil a phanhmi kongah ah hin zei hmanh i khamh nakding an thei lo ruangah a si.                                                               

Hi planet nih Ni le Vawlei karlak a rak phanh hlan a zarhkhat  ahhin, vawlei aa velmi a dih lai i, suimilam pakhat chungah vawlei hi degree 90 in a vel cawlh lai i, chaklei (north pole le thlanglei (south pole) umnak hi an ni thial dih lai. Hihi Nibiru nih Ni le vawlei karlak i a kal lioah, a dat nih vawlei dat a dawp dih ruangah a si. Hibantuk hin kum 3600 dan ah a um tawn. Cu caan ahcun phaisa man a ngei ti lai lo. Rili tilet awthawng le aihraamnak nganpi hna , tihnungmi tlang a kanghmi hna , fakpi in lihninhmi hna nih kan vawleipi hi a khat dih lai! Cubantuk thil ruangah cun minung zakhat  ah sawmkua hrawng cu a thimi le a thi lomi an um lai. Ramngan le ramrum an um ti lai lo. Nibiru nih a lawnh hnu ahcun vawlei hi a mah kal tein aa vel than lai. Thlichia le ruahpi nih vawleipi hi a tuam dih lai. Tlang a kanghmi a khu nih vawleipi hi a khuh dih fawn lai. Cu hnuah cun minung nunning hi a thar in thawk than a si lai.Biathlam 24:12-17 ah cun “cun Tuufa nih cakhenh paruknak a phoih kha ka hmuh. A faak ngaimi li-hninh a um i, Ni cu puanchia nak bantukin anak i thlapa cu thisen bantukin a sen dih, cun thli faak nih a kung a hninh tik i theipi kuh a tilmi tluk khin arfi cu vancung in vawlei ah an rung tla. Cazual an zual bantuk khin van cu a lo i, tlang le tikulh vialte cu an umnak hmun in an thial dih hna…” timi kan hmuh. Acung he khin an ni pehtlai (mil) ngaite!            

Mathai 24:21-22 ah cun Bawi Jesuh nih hi ti hin a chim, “Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cubantuk harnak cu a um zong a um ti lai lo. Cucaan cu Pathian nih rak tawiter hlah sehlaw ahohmanh a nungmi an um hnga lo. Asinain Pathian nih a mi thimmi hna caah cucaan cu a tawiter lai” tiah kan hmuh. Mark13:14-20 ah cun “Sihmansehlaw thiotu fihnung hmunah a dir kha an hmuh tikah Judearam i a ummi cu tlanglei ah an zaam awk a si lai. Innchung i a ummi cu inn chungah i phorh awk thil lak awkah ‘um hlah seh, cun lo i a ummi zong a angki vaa lak awkah inn ah tlung hlah seh…cucaan cu….a har hringhran ko lai…hi a tlung dingmi harnak hi Pathian nih vawlei a ser hramthawk in a um bal lomi thil…Hmailei zongah  cu bantuk cu a um ti lai lo. Bawipa nih cu caan cu rak tawiter hlah sehlaw cu, khamhmi ahohmanh an um hnga lo. Sihmanhsehlaw, a thimmi hna caah cun, cu caan cu a tawiter” timi kan hmuh than.Gen 6:1-4.. “Pathian fapa hna nih cun minung fanu hna cu a dawh ngaiin an hmuh hna i, cu ti cun an duhmi paoh kha nupi ah an ngeih tawn ti tehna, minung hna cu an sual ruangah Pathian nih tilet in vawlei a tawl ti tehna kan rel tawn. Cu Pathian fa hna le minung fa hna  cu Nefil (Nephlims) an ti. Mingan pipi an si. Nefil hna ruh ro hrim a si tiah an zumhmi cu Saudi Arabia ram ah an hmuh. An ruh ro hna cu Pe 35 hna an si. An lu ruh ro hna hi Pe 5 hna an si! Hi ruh ro a umnak hmun hi ralkap nih an congh i, ahohmanh nih zoh an siang lo. Sihmanhsehlaw, Helicopter cung in hman an thlak tawn. Samarian pawl (Babylon) tuanbia (methology) ah cun cu Nephlim hna cu an thi dih lo i, Nibiru pakhat ah an um ti tehna an rak chim tawn. Hi Samariami hna, Mesapotamia le Indus Valley Civilization te hna hi chan aa lomi an si.                                          

Nibiru cu Arfi lenglei ram  Nebula in a rak chuak  i vawlei lei a rak panh chin lengmang tiah April 2003 ah hmaanbilu a nganmi in hmuh a si. May 2011 ah cun mit lawngin hmuh khawh a si lai ti a rak si. Hi Nibiru hi planet dang hna kal bantuk in si loin, a dang tein amah tein a kalmi a si. Ni a velnak lam zong a kau ngai. Kum 3600 dan ah planet dang hna buaiter dingin lam naih tein a rak ra  tawn. Cuticun a tuah a ra thanmi, Nibiru cu 21.12.2010 ah cun vawlei a kalnak hmun (area) chungah a rak lut lai. Tih a nun bik dingmi caan cu 14.2.2013 a si lai. Hihi Ni le vawlei karlak ah Nibiru a rak luh lai caah a si. Curuangah cun Nithum chung vawlei aa velmi aa din dih lai. Afaak  ngaingai mi Lihninhnak, ritcher scale-10 in -14 tiang, rili tilet thomi le aw thawng tihnung taktakmi hna fakpi in tlang a kaangmi hna nih kan vawleipi hi a tuam cuah mah lai. Nubiru nih Ni a phenh ruang le tlang a kanghmi a fak tuk i, a khu a tam tuk ruangah Van khi a lang kho lai lo i, ni khi a nak in a lang lai, thlapa zong tlang a kangmi a khu ruangah thisen bantuk in a sen lai. Fakpiin Li-hninh ruangah tlang le tikulh tampi an umnak an ni thial lai. Rili kam ah cun su-nam-ee (Tsunami) ruangah tih a nung ngai lai.Vawlei mui fak piin aa thleng lai  chaklei le thlanglei (North pole le south pole) zong degree 90 in aa thial lai! July 1, 2014 in cun Nubiru cu vawlei hlat dingin a kal cang lai i, vawlei planet caah tih a nung ti lai lo. Hi thil hi a rak phanh taktak ding asi ahcun, vawlei nuclear bomb an thuhmi hna hi an puak  lai lo tiah chim khawh an si lo. Vawlei i hawrhra hna hi ti ah an i can hna ahcun, vawlei hi rilipi nih tampi a khuh lai. Vawlei cung minung hmunthum ah hmun hnih an thi colh lai i, a nung rihmi hna zong pawtam in tampi an thi rih lai! Cuticun, vawlei cung minung 90% hrawng cu an thi lai tiah an zumh.                                                            

Greenland ram khi a ngan tuk lo. A khuhtu hawrhra khi ‘ Ti ’ ah i cang dih sehlaw rillipi hi metre 7 (Pe 23.1) tiang a sang lai i, Bangladesh hna, Netherlands le ramdang tampi rili ah an pil dih lai. Thlanglei (chhimtawp) hawrhra hi vawlei cung dihlak hawrhra 91% hrawng in ruah a si. Ti ah cang dih hna sehlaw, rilipi khuh ding hi metre 60 (pe-198) tiangin a sang lai. Nuclear bomb puakmi hna le tlang kangh ruangah Leidip (leikhu) le hmunthur cu ruahpi bantukin saupi an sur lai. Electric  vialte an rawk lai i  mei kan ngei lai lo. Khuapi cawmnak ti paih (Pipe) vialte a rawk dih lai i, khuapi a ummi vialte cu ti din awk ngei loin an thi kho fawn lai. Cucaan ah cun minung caah nung dam in um khawh a har ngai lai!                                                                          

Hi thil hna hi Saitis (Scientist) hna zong nih an palh kho. Pathian zong nih a thlen khawh i kan chimmi hi Saitis pawl hmuh ning a si ko caah, a dik kho i, a dik lo kho fawn. Zei poah hi tlung ko hmanseh kan nih Bawi Jesuh a zumtu hna caah cun tih ding a um lo. Bawipa ton dingah kan ni manh peng dingtu a si deuh.Ch:B. Sanghnuna IAS (Rtd) nih a tialmi chungin lakmi a si.                                                         Salai P.K