Duh A Tling Lo Dawtmi [ Part-1]

Zanlei ni a hung nem chialmal cun Suite cu voidang bang an sianginn kainak sianginn erea chung park (pangpar dum) chungah cazoh ding in a kal tthan cang.

Lungthin nuam tein a ca a zoh dih in tlawmpal fak ngai in khua a ruah lioah tlangval pakhat Pathawng a pawng teah a rak ra."Suite,zaangfahnak tein na pawng teah ka tthu kho hnga maw"? tiah Pathawng nih a van hal."Aw ee, ra hen U Thawng rak tthu ve hih" tiah Suite awka nem tein a van chonh ve.

"Suite,biaruah ding kan ngei,caan na ka pe kho hnga maw" tiah Pathian nih a thinlung um bia phuan ai ti cang."U thawng,zeihen dah si,chim ko a ngah ko"Suite,ka nunnak le ka thinlung chungah hin nangmah dah ti lo zeihmanh a um kho ti lo,nan sinah duhdawtnak ka rak ngeih cang nak hi a sau tuk cang,cuhlan zongah chim ka rak duh tuk ko nain caanttha ka rak hmu kho bal lo,ka thinlung le ka nunak dihlak tein kan duh i kan dawt tihi chim ka duh.Ka nunnak le le sining dihlak put in na sinah ka ra,keimah nih kan dawt bantuk tein na ka daw kho ve hnga maw?Suite zangfahnak tein ka cohlang ko mu"tiah Pathawng nih velhle tello duhdawtnak bia cu thintur ngai in Suite sinah a chim phuan khawh cang.

Suite cu minute pakhat tluk hrawng a holh lo,a thaw pi phuuuu tiah voikhat nih a chuah.India Lei Univarsity sianginn kai kan ti cu lailei in a chung le nih tangka an kuat khawh ti lo caah a lungre a thei tuk cang.Cu lioah Pathawng nih buainak hram a van chap hoi.

Suite a cal ai domh i tanglei tlawmpal a van zoh,a hmailei ah a tla mi samfa pawl a lu cungah a van leh hna,Suite ai dawh ning,zanlei niceu dawh te nih a van cerh mi muici (colour) dum chungah pangpar phuntling hna lakah Suite rose pangpar te bang a cuang hringhran ko.

Minute tlampal te hnuah khin Suite nih "U thawng,nidang ah si tthan te seh mu,atu ahcun kan let kho rih lo ee"ra U thawng sianginn chungah lut cang usih" tiah Suite nih Pathawng cu a duh lo nain bu tein a sawm i lungsia herh ngai buin Sianginn chungah cun an lut.

Nu pawl umnak inn a dang,pa pawl umnak in a dang a si caah an caah inn chung ah itonnak caan a har tuk cang.Zantlai hnuah facebook chating le phone call deuh in an nun lamthluan cu an peh tawn.

Nikhat cu an sianginn sianghnakchia vialte sport-day hmunkhat ah an hmang tti hna.Nu le pa hmunkhat ah an itong dih i sianginn leng khuachung certual ah an itong dih hna. Cuka hmun ahcun Pathawng le Suite zong tonnak caan ttha an hmuh a hau ve cang.

Suite cu certual kil thingkung tang teah khin tthutdan an chiah mi ah a mah te lawng umhar ngai in a tthu ko.Hawi an nih le an i nuamh tuk ko zong ah Suite cu hawitluk cun ai nuam kho loh i a hirha a kok kho ruam lo. Suite hi a nuhrin nak in midaidam le mi holhring tuk lomi a si.Hawi sinah thangpi in va niih kheh len va perchoi tibantuk minung khi a si ve lo_A fawinak in kan chim ahcun a zin tuk mi a si.

Nawlrawn nilin lilipar dawh te bang ai dawh khun ko a rualhawi lakah,zohchim lo a bihzuun tu val rual an tam lengluang.India fiml star lengdawh pawl hmanh nih Suite a iang kho tu an um hnga ti tlukin ai dawh hrunghran.An sianginn kaitti Manipur le Nagaland tlangval pawl zong nihhin Suite cu a zoh an cim kho hrim lo,an lungchung te cun an uar dih mi a si.

Cuni zanlei sang Chuncaw ei caan a hung phan cang.Suimilam van zoh ah 1:00pm a hung tling cang.Pathawng nih Suite cu hmunkhat teah rawlei tti dingin a van sawm i hmunkhat teah tta le far bang rawl an ei tti.

Rawl an eitti nak thingkung tang teah cun Pathawng nih rawlei khim bak in Suite sinah Duhdawtnak bia cu a van phuan tthan hoi. Pathawng saduhthah le chunmang cu a tak in Suite sinah a hung tling."U Thawng nangmah nih na duhdawt tluk tein kan duhdawt ve ko ee"U Thawng kan duh tuk mu kan dawt tuk mu"tiin Suite nih Pathawng sinah a thinlung um mi vialte a phuan dih ve cang.Cuticun Pathawng le Suite cu nuam tein an caan ttha an hmang i zanlei ni a hung nem chialmal cun an riahnak ruun sianginn lei ah an sya te nih an khalh tthan hoi hna.

Nikhat cu an sya pa nih class chung hitihin thawng a van thanh."Thaizing hi phaisa thawh ding timi kha a tlai bik ni a si cang,thaizing i a tho kho lomi poah cu sianginn nih kan in cohlang kho hna lo,kum cheu a luan tuk cang,Addmision fee rumro atu tiang a tho lomi nan um"tiah a van au hnawh chih hna.

Suite hi sianginn luhnak man a pe kho rih lo,midang bantukin ramdang ah a tta le a pa le zong an um ve lo i laitlang khua lei a nu le a pa nih tangka an rak kuat mi te lawng hi a si i cucu semrel tein a hman tawn.

Suite,a lungrethei tuk cang,zeitinhmanh in tangka damhnak a thei ti lo.Thaizing ah Rs-20000 sianginn luhnak man a pek lo ahcun sianginn kai phuah a hau cang lai.Sya te sinah ka sithiam rih lo ka hngak ko rih uh tiah a nawlnak hna a voi a tam tuk cang.

Sya te zong nih an duh ti loh i amah Suite zong nih a nawl ngam ti hna lo.Nawl len zongah khoika hlei khin rianrang in tangka lak khawhnak lam a um fawn lo.

Cutikah Suite cu a lungrethei tuk i Pathian sinah mitthli he thla a cam tawn.Aw hitlukin Suite ca a thiammi le ca a duh mi sifah le santlaihlo ruang ngai in sianginn kai van iphuah ding mi a ruah ah a lungfak tuk hringhran.

A hawi le do a cawi hna zongah misifak a si tikah a hohmanh nih tangka an coih duh lo.

Cutikah Suite cu lungfah ngaichia in zanlei ninem teah khin a mah te lawng pangpar dum chungah mitthli a ttap lengmang. A dawt mi A ttacan Pathawng cu phone a hei chonh."U Thawng,kei cu sianginn ka kai ti lai lo,Kawlram lei ka tlung cang ee" tiah a hei chimh."Suite,zeidah cang?ka chimtuah tiah Pathawng nih thingphang taktak inn a van hal"U thawng tangka thawh ding timi kha ka pe kho rih lo cu ta,thaizing hi zaangfahnak caan a dongh ni a si cang ee"tiah a van chimh cu Pathawng zong a lungrethei tuk hringhran ve.

( An sianginn hi private sianginn a si caah tangka a duh tuk mi le zaangfahnak a tlawm nak hmun sianginn a si.Information And Technology ) cawnnak sianginn a si i Suite le Pathawng hi kum hnihnak veve an si.An sianginn ah sya/mah te le sianghngakchia he minung 1500 hrawn an um i anmah pahnih te lawng laimi an si).

Suite cu zanlei ninem te sinah thinlung fak tukin a ttap lengmang.Pathawng nih thaizing ah thil a cang ding mi kong ah ruahnak cheuh awk le thazaang pek ding zei a thei ve hlei lo. (Ka peh tthan te lai)