A Donghnak Bik Ka Dawt Sinah Ka Cakuat

Dawt, na dam lio a si maw? Na dam ttheo lai tiah ka ruat. Kei zong Pathian dawtnak thawng in ka dam lio a si. Dawt, atu na sinah ka rak in kuat mi ca hna hi catlang le biafang a dihlak in na rak ka relpiak nak lai upatnak he zaangfah kan nawl.

Dawt, kei cu zungzal na thinhnemtu si dingah le zungzal lengtti ding cun na caah ka rak tling hrim rua lo. Ka thinlung dihlak le sinak dihlak hi nang na caah cun santlailo an rak si ko rua. 

Hlan i dawtnak bia kan chimh lioah cun kan dawttuk ve ko ka tta na rak ti ttung,zeikar hlan ah na dawtnak nih tibang a ka reu tak cang ee. Na dawtnak tihal in zankhuamawt ah thinlung sivang in zeican tiang hme ka hram rih lai.

"Ka dawt mangtha tuk mu,kan hngilhtak chung lai"tiin na cakuat ka hmuh zawn ahkhan,nai hngilh hnuah kei cu hngilh kho loin caan saupi kan ruat zungzal dahkaw. "Na mangttha" tuah loin zantinte zeitik tiang dah ih merem loin ka um rih lai....

Dawt, ka caah na nunnak nai sian ding ttung lo ahcun duhdawtnak bia kan chimhkaa te khan ka si kho lai lo na rak ti lo..? Atu na sinah ka thinlung le nunnak kan pek i ka chiah dih cang hnuah hibantukin thil a si hi cu ka caah hin a fak tuk ee..Hibantukin hnulei na ka chit lai hi kai ruah bal tung lo..Kan ngaih hmanh a cim hlan ah dah ngai hi bang lamdang na ka pial tak ko hi zeitin ka tuar khawh hnga. Hmailei ahcun ka dawt he nuam tein kan lengtti lai tiin khuaza ka ruah lioah maw kei ka caah na dawtnak innka na ka khar kanh i nan dawtnak innka hram ah kei lawng fak tukin na ka ttahter.

Kai lungsak kho lai lo,ka tuar kho lai lo kan ti zongah " Lung nuam tein rak um mu"na ka ti_zeitindah ttah bu le mitthli he cun lungnuam tein ka um khawh lai..Ka tuar mi ttahnak le mitthli hna hi na hmaika ah fiang tein na ka hmuh ko nain na ka hnem duh lo mu..Dawt, si ko ee..Lunghmui tein na hmaika ah ka tuar ko lai...Lung diriam tein ttap ko ning,ka mitthli zong tla thluahmah ko seh, a poi lo...Kei cu a tuartu pei ka si cu..Dawtnak ruang ahcun a phu ko ee..Ka mitthli hna hi dawntu ngei hlah hmanhseh vawlei ah an tla lai i ni a linh cun an ro te ko lai.

Dawt, kan karah fing le tlangsang, rilli thuk/kau pipi nih a kan dan caah kei cu zeitik hmanh ah ka pumsa le taksa cun nan sinah ka ra kho bal lai lo i ka ih-zanmang tal ahkhin na sinah ka ra lai i na pawng teah ka rak tthu ve tawn lai mu..Khi tikah annkaa thlum tein rak ka chawn ve law mithmai panh tein rak ka zoh ve tawn mu.

Na ka kuat mi na hmanthlak tete kha keinih nang cocan ah ka ttang cungah kai pom lai i ka thinlung ah ka rak chiah zungzal hna lai. Na fb wall ah nifatin ka rak in leng tawn lai mu..Khi tikah khin kei cu nangmah ngai in ka ttap hoi lai,mitthli hi a dong ti lai maw....Rua bang tuai in rulbang zirh tthan awk na ttha hrim ti lo maw..? Liam cia caan i na muihmai le annkaa thlum vialte keimah lawng nih mitthli he ttepkhuai bang ka van khirh tthan zawn ahkhin dawtmi kan ngai tuk te lai. Nang loin suimilam caan cheu hmanh ka tlei kho lo ka rak in ti cang kha...Atu nunchung vialte nang lo vawlei hman ding hi ka ruat kho hrim lo ee..These ramcar chungah dawtnak tihal le rawlttam tuar in dawt ziah na ka kaltak..? Ka ttahnak mitthli hna hi zoh law na zaang ka fak lo maw...?

Dawt, vawlei cungah kei cu duhtling loin um ko hmanh ning, mitthli tlang in ttap ko hmanh ning law nang cu nuam tein rak um law kei bang vawlei cungah ngaihchiatnak le lungkuainak cu rak tong hrim hlah mu..Na lamtluang sehlaw na saduhthah tling hram ko seh.

Dawt, vawlei ahhin in tong kho ti loin in hmu kho ti lo hmanh ning law zungzal nunnak vanram ahcun kan ton lai i kan hmuh tthan te ko lai..Khi tik/caan ahkhin,aw...Vawlei cung ka rak nun lioah ka rak duhtuk mi le ka rak dawttuk mi pei a si kha tiah kan ti te lai i kan philh bal lai lo ee...

Dawt, nang he kan iduhdawtnak chungah na cung i ka palh mi vialte rak ka ngaithiam hram mu....

Dawt, tampi in ca in kuat zong ka duh ko nian ka ttial kho ti lo. Ka mitthli hna nih an ka phenh dih cang, ka thin a tur i ka ttahnak ah ka thinlung a caw..Ka kut tha hna zong an thir dih caah hi vial hin za cang seh mu..

Dawtmi, zungzal in mangtha..

By: An dawtu.

Catialtu; By Tum Tling