Ni Bang Kan Semnak Ai Khat Lo (part-1)

Malaysia ka phanhka ni 20 hrawng ka um ah kan rianttuannak facetory chungah oparasy nih an kan luhhnawh i thong thla 11 chung ka thla. Thong chungah Malay holh kai chap lo,kawl holh le mirang holh tu kai chap deuh.Thong ka chuah hnuin kan facetory (sehzung) ahcun kan lut tthan hna.

Nikhat cu thlanti he zaangbang takin ttuanzai kan rel lioah Malay miphun nu pahnih le pa pali an rak lut ve.Kan ttuan cuahmah lioah cun nu pahnih cu ttuannak hmun cu an rak zoh.Tlangval pawl nihcun an i dawh pah hnga maw tiah kan mitsir te cun kan ngiat len hna. Um,an i dawh ngai ko hi mu! an puan lukhuh belte a um le heitiphun khin kan i ceih sup.

Zanlei cu kan van lawi le innkhat ah kan um hna.Inn pakhat chungah an nih room dangah an um ve. Inn chung ahcun an puan lukhuh kha an i phoih i an idawh ngaingai. Unau an si i upa deuh hi kum -25 a si i a tawttawk ttha taktak,a mui zong ai dawh.Hngakchia deuh hi kum-18 a si i a hmaifang ai dawh ai ngo taktak mi style zong a si.

A thaizing cu hmunkhat teah cun rian cu kan van ttuan hna. Kan nih lai tlangval pawl nihcun kan mitsir te cun kan zoh pah lengmang hna. Kan uar pah hna nain kan ttih pah hna tikhin kan um. Zanlei cu inn ah kan van ttin i hmunkhat cabuai kulh in bia kan van iruah hna. Kei cu malay holh cu ka thiam lo le kai ruah kho set lo. Boy freind na ngei cang tiah upa nu cu kan van hal." Aw ka ngei cang" ti i a DL pic zong a kan zohter. Hngakchia nu kan van hal i "kei cu ka ngei rih lo" nungak kaa te lawng ka si rih" tiah a kan leh. Kan ruahning nak let in an rak ttha i an thinlung a thiang. Cutikah kan nih zong nih kan ngamhtlak ngai veve hna.

Cutincun hmunkhat sehzung pakhat ahcun rianttuan cu zarhkhat tluk hrawng kan ttuan cang hna. Ngakchia deuh nu a min Eniaku Nana( Nana) timi nihhin a kan zoh lengmang.A mitsir tein a ka zoh lengmang i kan mit a van iton caan ah khin "dak"tiah a mit a tthial tthan tawn.

Ziah hme, mah nu te nihhin a ka zoh lengmang hnga tiah khua ka ruat.Cun,amah le keimah te lawng cikkhat kan van iton caan ah khin "Pating" ( Patling ti kha a awchuah ai harh deuh le "Pating")tiah a ka chawnh lengmang. A malay holh a sittuk le ka theifiang kho bal lo.

Nikhat zing cu sehzung ah keimah ka lut hmasa i innka kha a chung lei in ka hrenh.Tlawmpal ah Nana te unau cu an pahnih tein an ra ve.Innka cu an van kingh i ka hunpiak hna. Ka hun piak hna thlu bakin Eniaku Nana nih khan "Sayang" tiah a van ka auh. Ka khuaruahhar pah. Sayang timi zeidah a sullam si hnga "Dawt" timi kha a si maw tiah ifiang huaha loin ka rak um. Chun nithlak ka rak inuam pah nuam lo pah phun khin ka um.

Zanlei kan van ttin ka hawi le Malay holh thiam mi pawl kha "Sayang" timi hi zeidah a sullam si tiah ka hal colh hna. Sayang timi cu "Dawtmi" tinak a si tiah an rak ka let piak i kan thinlung te cun ka rak nii ziar.

A thaizing cu rianttuan kan thok tthan i Eniaku Nana he innchung kan i chawh pah ah cikkhat te kan itong.Pating " I love you so much"a ka ti ko.Ka khuaruahhar tuk cang.Fiangtuk in ka hmaika bak ah izohchih bakin a ka timi si tikah ka lau ngai. Keinih zeihmanh ka let i a kal colh ve.Rian kan ttuan ah siseh,innchung inn leng kan tthut ah siseh a kan zoh ning le a ka ngait ning ka hmuh i ka tuak tikah a ka uar lai a ka duh bak lai tihi ka lunghring ngai.

Zanlei rianttuan ttin in coka cabuai tthutdan cungah keimah te lawng ka tthu. Nana a ra ve i ka pawng teah a rak tthu ve. Hnaciat in video hla ka zoh i ka ngai pah lio a si. Malay holh in bia tlawmpal a ka ruah lioah a unu a hung ve. Phone in pung tamlak kai ready huha lo nain a kan zeih colh.Anih Nana cu a rak iready ngai. A unu he cun kan pathum in cabuai cu kan kulh i bia cu an ka hal len.An holh mi tlawm te lawng ka theih i mirang holh deuh in an ka ruah."Sayang" timi kha zeidah si? What is the meaning of sayang? ti ka hal i Nana nih "Sayang"timi cu "Darling"tinak si tiah a ka fianh.

Anmah unau pahnih cu an i chawn lengmang an i chawnh mi a pelte hmanh ka thei lo,din nawn te khin hla cu ka ngai pah.

Keimah zong nih Nana dawhnak le iang hna lamnaih tein ka van hmuh i kan van ingamhtlak tikah a sinah "duhdawtnak"timi hrihram te a van isih ve cang. Nikhat sunday ni zanlei cu rian kan ttuan lo caah inntual ah kan tthu hna. Nana kha a ph number ka hal nain a ka pe duh lo. A unu nih a van chawnh i pe ko a ti le si lai cu a ka pek tthan.

A phone no.ka van ngeih bak in ca ka kuat colh. Nana boyfreind na ngei cang maw? zaangfahnak tein na ka chim kho hnga maw? tiah ka hal.Ka ngei lo,ziah tiah a ka leh colh.Kei inn chungah ka it,a nih inntual ah a tthu i ph in ca cu kan ikua. Na sinah duhdawtnak ka ngei kho hnga maw? tiah ka hal tthan."Ziah, girlfreind na ngei cang si lo maw? tiah a ka hal ve.Ngei lo tiah ka leh.

Cuni thok cun a sinah duhdawtnak bia cu thathir pah in phuan hram ka thok cang. Cutin cun kar khat bak ai hla mi room khat le romm khat in phone in ca cu kan ikua lengmang. Zan suimilam 3:00am tiang zong kan rak ikua kho. A sinah duhdawtnak bia ka phuan caan nithum a tling cang i voi tamtuk ka chim nain "kan duh kan duhlo "tihi voikhat hmanh a chim duh lo.Cuzan zong cu ka hal tuk nain a phi a ka pe duh hlei lo.A phi na ka duh lo ahcun ka stop cang lai tiah ka ti ve cang.Thaizan ah kan pek hrimhrim lai tiah bia a ka kamh ve.

A thaizing cu amah nih a ka zoh mi nak tam in keimah nih ka mitsir tein ka zoh caan a tam deuh cang.Laimi pasarih kan um i kan dihlak tein Nana cu kan uar/duh dih.Kanmah lawng kan um ahcun a mak kong lawng te kan ceih tawn. Keinih ka rak helh kha a hohmanh an thei lo.Hmunkhat te i rian kan van ttuan caan hna ah khin ka thintur pah ziahmah cang.

Zan cu a hung chuak tthan i ka duhdawtnak bia le hla cu ka van phuan tthan cang. Sautuk a phi ka hal nain a ka let duh hlei lo.Ka lung a dong tuk cang.Zan suimilam 3:00am a reng tilo.Tuzan ah a phi na ka pek lo ahcun ka bang cang lai, chim ko tiah ka nawl peng.
Ka pawng i a it mi ka hawi cu ai hngilh tuk cang.Kei bel ihngilh thiam loin ka duhdawt mi Nana sinah lungdong ngai in dawtnak bia cu ka chim peng ko.

Kai ruahchan ti lo,ka cakuat zong a nuar chin lengmang.Ka cal kai domh i ka dawtmi Nana nih a ka duh ve lai lo ding ka ruah ah ka thinlung dihlak a fak dih. Zantlai hnu ah mithli an hung luang iahmah.Zeiti hlei in bia van chim ding zong ka thiam ti lo,mah holh a si lomi mirang holh ka thiam chun mi tete zong a dih cang. Aw miphun dang leng dawh sinah ka mitthli voikhat tlaknak a si ko hi mu ka ti i ka mitthli hna cu hnawt lo tein chantling cungah an thla thluahmah.

Tuzan ah kan chim hrimhrim lai na ti ko ttung ziah na ka chim ne lo..? Na ka duh lo bia a si ko,na ka dawt lo bia a si ko ee..Byebye ..ka stop cang lai ee..tiah ka ti ve cang.

Tlawmpal ah "Pating,keimah hi hodah ka si? mizei dah ka si? na ka hngal fiang maw"? tiah a van ka let cu ka lau ngai ko_phundang in ka ruah cang. Pating,kei cu "Islam girl" ka si hi na ka hngal maw? tiah a peh tthan.Aw kan hngal ko ee,kan hngal bu tein duhdawtnak kan chimh mi si tiah ka leh ve.

Pating,kan chim cang lai mu " Kan hmuhka te le kan tonka te khan kan duh kan dawt cang ko ee, hey tiah na rak ka auh lio teah khan kan duhtuk cang si"tiah a ka ti ve cang. Zantlai hnu mitthli cu caanraulo teah an hung hul tthan.Ka thinlung le nunak lawmhnak in a khat tthan cang.

Cuticun kan iduhdawtnak cu nikhat hnu nikhat in an lian an ngan chin lengmang.Ka pawng te i rianttuan hi a duh tuk i a cuh in ai cuh tawn. Kanmah pahnih te lawng inn chung inn leng tbt ah duhdawtnak bia kan iruah caan zong a tam cang. Mi hmunh hngan ah ka kut par tein tongh zong a duh lo. Cucu a har ngai ka ti mi si. Ruahlopi in a kut hna ka tleih duk sual tawn i a duh lo ngai tawn. Zan ihhnu ah " Pating,ziah tuni kha midang hmuh ah ka kut na ka tleih/tongh tiah a kan sik tawn.

Cuticun kan iduhdawtnak cu ni an liam thla an liam mi chungah ai fun i a linsa chin lengmang caah tthitumhnak tuah ding tiang in kan lung a tling veve.

Kan rianttuannak i ttuan kha anih caah a rem ti lo. University kai a duh cang. An nih hi kanmah cio bang misifak te an si ve i hringtu a nu nih a hngakchia lio tein a thihtak mi a si.A pa nih nupi dang a tthittak hna hi nuei sinah a um mi a si tikah amah nih phaisa ai kawl mi le a chuahpi a u a tta le bawmh mi tete in sianginn a kai tawn.

Sianginn kai kha a zat cang caah rianttuan ai hngol. Amah he hmunkhat ah van um tti lo ding mi ka ruah ah ka nunnak nih a celh hrim lo,amah zong nih a celh ruam ve lo. Khualei ph ka chawnh le Malaysia ummi ka hawi le he phone kan ichawnh hmanh ahhin nungak a chawn rua tiah a ka ruah i a thinlung a rak fak tuk tawn. Kha a thinlung fah kha ka theih i a unu nih a ka chimh tikah ph a hmuhhngan chawnh zong hi a herh lemlo ahcun kai sum ve.

Ni le thla hna zeikar lo teah an liam manh ko,sau hmanh um manh hlan le lungdi hmanh a riam hlan ah taksa in tthennak caan kan phan. Kan itthenlai zan ah KFC le din-ei ding a phunphun an cawk i hmunkhat teah/cabuai pakhat te ihrawm in laimi le malay mi vialte rawl kan dumtti hna. Ka dawtmi Nana nih a pawng teah a ka tthutter i a ka duh/uar lo bantuk te khin ai umter.

Cu zan cu kan ihhmun in ca kan kua lengmang.Kar khat te lawng ai hlat i capei kauh te lawng ai dang mi kar ah mitthli he sianlo in kan ttap veve. Kan celh veve tilo i ka ihnak hmun in ka tho i coka ah ka kal i ka tthu.Rak ra,coka ah ka ti i a thli tein a u le Malay papawl theih lo ding tein a rak chuah. Zan khuamui ah kan phone hmanh kan ceu ngam lo,tthutdan cung ahcun ka van pom duhdawtnak bia phai in sianlonak mitthli cu tidong zit in ai zi. Dawtnak biakam za kan fehter.Pating thlakhat voikhat tal cu ka rak in len lengmang lai mu,ka ra hrimhrim lai tiah lungtthawnnak bia zong tampi a chim.Mitthli nih caan le suimilam hi tleih awk ttha sehlaw khua a dei ti hnga lo. Ttahnak mitthli hna cu dongcat loin an luang i caan nih a theithiam rua lo.Sumilam kan van zoh i zinglei 5:00am a reng tilo. Aw...Caan hna tleihawk ttha lomi chungah mitthli he sianlo zattial tleih in kan room chungah kan lut veve.

A thaizing,zingnu kutchuak niceu dawh te cu kan van phan.Sunday ni a si caah rian off ni a si. An unau le an hawile Malay pa pawl he shopping ah an kal.

Zanlei an hun ttin i an upa Kalang ah a ummi nih an unau pahnih in mawttaw in a van lak hna. An kal lai cu a ka zoh ngam ti lo,kei zong nih ka zoh ngam tilo,a mui ka hmuh ah ttahnak in ka thinlung a khat.A unu nih"Pating,zahan cu Nana a ttap tuk ee,nang tah na ttap ve maw?" tiah a ka hal i ka let lo.

Ka dawtmi Nana cu an khua ah a tlung cang lai.An tlunnak ding a tta pa mawttaw cu kan innhmai ah a dir cang.An thilri cu mawttaw hnulei ah an senh thluahmah cang. Ka dawtmi nih a ka zoh ngam tilo nain khoika dah Patling um tiah a ka kawl cang.Inn hnulei ah ngaihchia in keimah lawng ka lu kai buk i ka tthu ko.Nana nih an kawl,an auh Pating ra hme tiah a unu nihcun a ka auh i ka va kal cu ka dawtmi Nana cu mawttaw chungah a rak lut cang. Mawttaw cu ka van neih i a thlalang tangah a van tthumh.Pating,hmaizarh sunday ah ka van ra tthan lai mu,cun kan itong tthan lai. Byebyeee tiah a kut za a zo i mawttaw cun an liam manh ko.

Keimah lawng ka cuai lo,ka hawile vialte an cuai dih,an rak uar tuk ve/an rak duh tuk ve mi a si tiah an rak cuai hrinhran ve ko.Annih cu lenglang bakin ai cuai i an hram nain kei cu ihkhun cungah ka thinlung le chung lei tein ka rak cuai tuk ve. An kalpah le lampi thluangthluan vialte sms in kan caan kan hmang.Malay pa pawl le ka hawile laimi pawl nih kan iduhdawt a pelte zong an theilo.

(Ankal niah khan bawngbi le angki a ka cawk piak i keimah kut ah pe loin malay pa Dannial rak pe te a ti le a sinah a rak chiah. A thaizing KL in rianttuannak ka van tlung cu Dannial nih "khah,Nana nih thil an cawkpiak mi ti le a ka pek.Ka lau pah ngai,Danial le Nana cu phone an ichawn pah rua,ka thei lo ziar. Dannail sinah capo in kai lawmtuk ka ti pah khin secound hand pei si ko hi ka ti sual.

Dannial le Nana cu phone an ichawn peng,ka bia kha Dannial nih Nana a chimh ko cu teh.Nana thinhung le aw...Pating thil kan cawkpiak mi kha na duhlo ahcun rak hllonh ti c ko.Voikhat hmanh ichawnh ti hlah usih byebye ti le a dih ko. Danial cu capo pei c ko cu na chimh ka ti le ka thah deng. Kei zong ka rak hrut tuk ve..Capo bakin ka chim mi c ko nain..

Zan hnih le nihnih chung ngaihthiam ka hal le a ka ngaithiam kho bak lo. Voi 500 cu sms ka kuat la,voikhat zong a ka let lo,voi za leng a phone ka call la voikhat zong tlai bak lo,midang ph kai hlan i ka aw a theih cun a phih colh.Keimah ka palh ruangah itthen le midang thinhunter kha ka duhlo caah lungdong loin ngaihthiam ka hal peng. Zanthumnak si cang,mirang holh in ngaihthiamhalnak bia ka thiam chun mi a dih. Zan nazi 2:30am hrawng si. Atu voikhat ka ngaithiam kan ti lai i na ka ngaihthiamlo siah cun "Zuu" ka ding lai,ka ri lai" tiah ca ka kuat.Secound pakhat zong a rau loh " Zuu na ding kho loh,kan ngaithiam kho loh" ti si. Hngilh loin ka cakuat hi a rak rel peng ko,ka cungah a lungfak tuk ko hi ta tikha ka theih. Sau nawn cakua loin ka um i amah nih "Zuu cu na ding cang maw?" tiah a ka ti tthan i ka let lo.Minute 2 hrawng hnuah " Dawt, zuu ding hlah mu,minih anih pasal/va cu zuuding mi si,ritsii tawng mi si ti ding cu ka duh lo,na din ahcun hinak fakin na theih lai" tiah a van ka kuat tthan.

Siahcun ka ngaithiam kun tiah ka ti i a duh hlei lo.Ka lungdong tuk le lungretheih tuk ah kai hngilh bek.Tamlak ca a ka kuat nain ka hmu ti lo.A van ka call i kan ichawn,mahhnu cun a ka ngaihthiam i amah zong nih ngaihthiam a ka hal chin ve. Athai zing rian ka ttuan kho ti lo,ka thinlung ba lawng c loin thabat buin hngilhlo nih ka taksa a zawtter dih. Rian ka ttuan lo a theih tikah Super vicezer pa ph van chonh i a van ka zoh. Ka cei tuk kha a theih tikah Nana cu a van ra).

Keizong KL ah rianherh ka ngei le kawivan he kan kai colh ve.Train chung ka um lio zongah dongcat loin ca kan ikua peng.Cuhnu lawngah Nana he kan rak iduh kha kawi van nih a theih khawh.

Dawtmi zuuntuar in zarhkhat chung cu sau tuk ah ka ruah.Sunday ni cu an unau cun mawttaw in an rak ra i kan itong hna.Caan sau ngai kanuntti i zanlei ah an an kir tthan.

Thlakhat ah voikhat hincun a ra lengmang i kan iduhdawtnak cu mi vialte nih an theih dih cang.Nana a unau le a tta le a pa dihlak zong nih an theih dih cang.Ph kan ichawnh le tlawn le kai zong cu a tam caah a si kho men. A chuahpi a tta pa zong rian ah a rak lut ve.Pating ka tta si khah,kan konglam ka chimh dih cang,a cungah rak iuah hlah tiah a ka ti.

Cuticun nilethla an hung liam i a kum tiangin an hung liam cang.Dawtnak cat lo tein certi bang a put i tiva bang kan luangtti. Voikhat cu a riak in a rak ra i ( A tta le zong an um ve caah mu) kanmah pahnih te lawng zantlai hnuah tthitumhnak tuah ding in catlak cungah minthut(sign) kan tuah. Zeiphung in dah tthitumhnak kan tuah lai timi bel buainak hram ai thok. Islam phung in maw Khrihfa phung in dah? Mitthli tamtuk a tlaknak a si. ( um rih seh part-2).

Biacu thli lakah a kalmi a si bang khualei ka chung le zong nih kan thawngpang cu ingtuar kho loin an rak um ve.Ka nu nih Muslim nu na tthit ahcun na poi ngai lai.Na nulepa nih kan duh loh,rak kom ti hlah,rak chawn ti hlah,rak zaamtak ti khi si ko.Ka lungre hi ka theihter tuk hlat,tiah ka nulepa nih an ka ti ve cang.

Ayoo!! Silo ee, ka nulepa aw...Biaknak dang a si ruang i nan duh lomi cu ka ruatthiam kho loh.A mui le sam cu duh lo u law phundang. Biaknak dang a si mi cu pei kan izuam lai Pathian sinah thla kan cam lai i Khrifa ah kan canter lai cu_ thlarau tlau pakhat kan thlei zong si lai cu ta tiah ka el ve hna. Part-2 ka peh tthan te lai. By; Andrew Tum Tling