WILLIAN CAREY (1761-1834 A.D)

“Pathian sinin thil lianngan i ruahchan law; Pathian caah thil lianngan i zuam”. 

Khrihfa a rak dirka ah Khrihfa mi hna nih thawngttha bia chim ding rian fialnak a simi khua zakip ah kal in miphun dihlak zultu ah ser dingmi hi biatak tein an rak i zuam. Kum zabu (3) hrawng i Rome uknak tang ah a ummi hmun pawl le Europe ramchung hna ah Khrihfabu dirh an si hna i thawngttha bia zong hlawhtling ngai in rak chim a si. Mah hi hnu ah missionary rianttuannak hi a zor i tampi rianttuannak kong hmuh khawh a si ti loh.

MARTIN LUTHER (1483-1546 A.D)

 “Na chimmi lawng siloin na chim rihlomi zongah ttuanvo ngeitu cu nangmah na si”

Martin Luther hlan ah Wyclif, Hus le midang zumtu paralttha pawl nih Roman Catholic Pope nawlngeihnak a hmaan lo an theih tikah heh tiah an rak doh. Cu ruangah mi tampi zong an nunnak a rak liam ve. Sihmanhsehlaw Pope an dohnak tlam a tlinh kho ngaingai mi hi cu an rak um loh. Cu caah Khrihfa hna cu Pope nawlngeihnak tangah Martin Luther chan tiang an rak um. Pope nih a si, timi cu zumtu pawl caah cun Pathian nih a timi bantuk ah ruah le cohlan kha a si ko. Sihmanhsehlaw Martin Luther hruainak in 1517 kum thawk ah Roman Catholic Church cu cheuhnih ah ai cheu phut! Cu caah Roman Catholic le Protestant Khrihfa tiah Khrihfa cu phu hnih ah ai tthen.

CONSTANTINE (Thih Kum 337 A.D)

“Constantine cu hlanlio Khrihfa hna nih Rome cozah nawlngeitu sinin harnak an ton tawnmi Khrihfa pawl zalonnak a petu le Khrihfa tthanchonak ah ai teltum ngaimi pa a si”

Rome uktu Diocletian (284–305) hi Khrihfa dohnak ah a donghnak bik pa a si. A mah chan hlan zongah Khrihfa pawl nih hremnak fak taktak an rak tuar. Khrihfa hruaitu tthattha nih hremnak ruangah an nunnak a liam. An nunnak lawng si loin Khrihfa nih an i pumhnak hmun le thilri an ngeihmi pawl tiang mei in duahpiak le hrawh piak dih cikcek a rak si.

India Ralzam Caah “Resettlement Programme) A Tlawm Deuh Kho Men

By; Salai Bawi Hlei Hu

Indian cu “ 1951” convention lio ah ralzam cohlannak kong he petlai in min an thut duh ve lo caah “ Indian cozah  nih hin “ Ralzam zohkhenhnak le cohlannak ahhin cu tluk in  ttuanvo an ngei len lo ti hi a fiang. Mah belte Ralzam zohkhenhnak ahhin ttuanvo ngeitu ding ah “Ministry of  home Affair, Ministry of External Affairs le a dang Department pawl deuh hna nih hin ttuanvo an lak deuh.

A Nu le Pa A Thah Hna I An Sa A Can Hnu Ah Microwave Ah A Chuan I Thaithawh Caah A Chiah

Kum 31 a simi Hong Kong mi Pianist pakhat Henry Chauhoi-Lueng timi pa nih a nu le a pa a thah hna i cu zong cu ai lungsilo i an taksa cu a can dih hnu ah microwave ah a chuan i thaithawh caah aa chiah.

Khuaruahhar le vansang-au in a tuahtu Henry Chauhoi-Lueng cu a nun thongthlak dingin court nih biachahnak an tuah. A nu le a pa hi kum upa ngai cangmi an si i hringtu a nu “Siu Yuat Yee” hi kum 63 a si i a pa hi “Chau Wing-Ki” hi kum 65 a si.

Hruaitu Hna Nih Vanlawng A tlaknak Hmun An Va Zoh

March 24, Cawn nihnih ah France Alps tlang ah a tlami Germanwings vanlawng minung 150 an dihlak in an thi dih i, German, French le Spanish hruaitu hna nih hmunkhatte in vanlawng a tlaknak French Alp tlang hmun ah an va zoh.

Germanwings Vanlawng A Cuang Mi An Zate An Thi.

German vanlawng minung 150 phortu airliner 4U 9525 vanlawng, Spain ram Barcelona in German ram Duesseldorf a zuan lioah French Alps tlang ah a tla.

Airbus A320 - flight 4U 9525 vanlawng a citmi ah, a nungmi an um lo tiah officials nih an chim.

Mah vanlawng a tlak ningcang hi theih a si lo, vanlawng mawngtu nih le hngalhnak a thanh lo, minute 8 tum ai duh ah vanlawng a tlak hi a si tiah official nih an chim.

Ka Thimmi, Lam Cung Ah A Tlami Mitthli

“Hun ruat ta rih ka tta, ka caah voikhat te in. Na nehhnu sin ka nun nih duhnunnak a nei hnga maw? A si kho lo, si kho lo… ka tta zei khua hme na ruah e? Ziah keimah nak in a fianglomi ruahchannak cu na thim”

Dawtmi he dawtnak chungah caan hmantti kha zei he dah nan tahchunh cio? Nan i harh cio lai. Dawtmi he nun i hrawmtti ahcun vawlei hi duh a nung ko. Voi tampi cu ka chuah ni thla hi a caante ah ka theih lo caan a  tam. Nihnih thum a liam hnu i ka theih hi a tlawm loh. Asinain April thla phak lai ah hin cun aho nih hun chimh zong um lem lo in a hung lang lengmang. Ka dawtmi Senri he kan i tthen ni le thla le caan a si caah si. Cucaah cun April thla phak lai hi ka ngaihlah peng  nak a si. Ka caah cun thla chia ah ka ruah i hi thla (April) hi cu ka huat ti tluk khi si. 

EUSEBIUS (263-339 A.D)

“Eusebius nih Jesuh zultu hna chan dongh in A.D. 300 chung Khrihfa tuanbia hi rak ttial hlah sehlaw tuchun ah rel ding le chim ding kan ngei lai lo”

Lamkaltu hna cawlcanghnak cu kum (30) caan chung Pentecost in Paul thonginn in a luat tiang 62 A.D. tluk tiang kha a si. Cu hnu kum (300) chung cu Eusebius Khrihfa tuanbia a ttialmi ah kan i hngat. Eusebius nih hi kum (300) chung Khrihfa tuanbia hi rak ttial hlah sehlaw tuchun ah rel ding le chim ding kan ngei lai lo. Hi lio caan he pehtlai in Eusebius cattial mi ti dah lo tuanbia an ttialnak tepawl cu zeihmanh a um ti lo. 

TERTULLIAN (150-255A.D)

“Martar thihnak cu nga rawl bantuk a si. Cu nih cun mitampi a kan pek. Khrihfa hna thi cu thlaicii a si”

Tertullian cu hlanlio zumtu hna lakah kum zabu pahnih dihlei i, cattial minthang taktak a si. A mah pumpak in Khrihfa mi hna nih hremnak fak an rak tuar lio caan ah a theitu le a hmutu a si i, Martar thihnak nih zumlotu hna cungah fakpi in rian a ttuan ti zong fiangte in a theih caah cu nih cun zumhnak leiah kar a hlanpi. Biakinn pawl hrawhpiaknak le Martar thihnak nih khuaruahhar in zumtu a karhter hna i mi tampi Khrih sin an phan. Hi lio caan ah zumtu pawl nu le hngakchia telin Arena hmun ah ttihnak um lo tein thihnak an tonmi hi zumlotu hna an khuaruah a har tuk hringhran i, mihrut ti zongah an rak ti hna. Roman cozah nawlngeitu hna nih Khrihfa sinah thihnak nawl an peknak hna hi an ruahchannak cu Khrihfa mi pawl nih Jesuh cohlan lo ding kha a rak si.

IGNATIUS (THIH KUM 110-117 A.D ?)

“Kei cu Pathian facang fang ka si i, sahrang ha in rawl tak cu ka hmuh lai”

Roman ukmi khua a liancem pathumnak Syria khualipi Antioch khua ah Jesuh zultu pawl cu Khrihfa (Christian) tiah rak auh hmasa bik an si. Zumlotu pawl nih Khrih min pehtlai in Khrih zultu pawl an rak auhnak hna si khawh a si. Mah hi biafang cu Latin holh in Christianoi ti a si i, a sullam cu Khrih ‘zultu’ asiloah ‘ralkap’ tinak a si i, 40 A.D. hrawng ah rak hman ngaingai mi si dawh a si. A hmasa bik “Khrihfa phung” Christianity Latin holh in  ‘Christianismos’ timi biafang cu Ignatius nih hman hram ai thawk. Rome nawlngeitu Emperor Domitian (81-96) cu Nero nakin a sual deuh lai tiah zumh a si.

POLYCARP ( 69–156 A.D)

“Kum 86 chung a rian ka ttuan chungah ka cungah palhnak zeihmanh a ngei lomi hi zeiti’ndah nautatnak ka pek khawh lai?”

Kum zabu pahnih hrawng hin Roman kuttang um ram lawng si loin Asia Minor, Europe, Chaklei Africa le Palestine hnu lei Mesopotamia tiangin Khrihfa zumhnak cu karh hram ai thawk. Cu lakah zumhnak lei ah a tthawng ngaimi hmun pakhat kan hmuh khawhnak cu Asia Minor (Tuchan ah cun Turkey tiah auh a si cang) hi a si. Sihmanhsehlaw tuchun ni ah cun hi hmun ah thawngttha bia chim hi a ngah lo tlukmi dirhmun a si cang.

PAUL (5-67 A.D)

“Khrih nawl ka cawn bantukin ka nawl ka cawng ve uh” Paul cu A.D. 5 hrawng ah Tarsus khua Cilicia (Thlanglei a lai Turkey) ah a rak chuak. 67 AD Rome khua ah a nunnak a liam tiah zumh a si. A min hmasa cu Saul ti a si. Damasakas lampi ah Jesuh le Paul an i tonnak ah Jesuh nih Saul tiah a auh. Paul nih nunthlenak a ngeih caan zeimaw zat hnu ah Paul tiah a hmasabik auh a sinak hi Cyprus tikulh ah a si (Lamkaltu 13:9). Mino a si liote ah Jerusalem khua ah a ummi Gamaliel sianginn ah fimnak cawn awkah a kal. Mah hi sianginn cu min a ngei ngaingai mi sianginn a si.

JESUH ZULTU THOMAS (B.C 4-72 A.D)

“A kut i thir hma neh kha ka hmuh hna i cu thir hma neh le a hnak kha ka kut in ka tongh hna lo ahcun ka zum lai lo” 

Thomas cu Jesuh zultu hleihnih lakah zultu pakhat a si ve (Matt 10:3; Lamkaltu 1:13; John 11:16). Thomas kong he pehtlai in tuanbia chimmi phunhnih in hmuh khawh a si. Kan Baibal thawngttha cauk pali chung hin Thomas hi,  ‘Didymus timi Thomas’ tiah ti a si tawn. Thomas ti hi Hebru holh in faphir tinak a si i Didymus ti zong cu Grik holh in faphir tinak a si ve. Cun Thomas riantuannak cauk (The Acts of Thomas) ahhin Thomas cu Judas tiah hmuh a si.

AUNG SAN SUU KYI (1945- Nihin Tiang)

“Fahnak um lonak hi thinlung ca men ah kai tlaih lo. Asinain ramkhelnak le a taktak caah a si,”

Aung San Suu Kyi cu 19 June, 1945 ah a chuak. Amah cu Kawlram ralkap cozah dotu lei in National League for Democracy (NLD) ah chairman a si. 1990 Kawlram thimnak ah (NLD) party nih rampumpi vote 59% in teinak a hmuh i Parliament tthutden 485 ah 392, 81% a hmuh. Sihmanhsehlaw Kawlram nawlngeitu nih Suu Kyi cu innthong an thlak. 20 July 1989 in 13 November 2010 tiang kum 21 chung ah kum 15 tluk thongthlak a si. Amah cu vawleicung ramkhel lei rianttuannak ah minthang mi nu pakhat a si.

Nihin Khrihfami Hna Nih Pathian Kan Biakning

Salai Bawi Hlei Hu

Biahramdomhnak:

Nihin Khrihfami cu a ding i a felmi Pathian zumhtu le hnu zulhtu khrihfabu le miphun pakhat kan si. Nihin vawleicung ahhin fimthiamnak hi a sang i chan zong ai thleng cuahmah i khrihfami hna nih kan Pathian kan biakning zong hi chan nih a kalpi mi chung ahhin aa thleng ngai ve. Kan nunning, ruahning, hmuhning, le Pathian kan biakning zong hi 19^st, 20st  Century he tahchunh ahcun tampi a rak i thleng ve ngai. Abikin nihin Chin miphun  nih Pathian kan biakning le kan thangtthatning ahhin kan i thlennak tampi hmuh khawh a si.

Holh A Biapit Ning le Laica Ttial Ning

CA A HERHNAK:  A cheu nih miphun pakhat a kan humhaktu cu Khrihfa kan sinak a si an ti. A cheu nih kan holh le kan nunphung a si an ti. Hi thil pahnih in an biapi veve ko nain holh le ca hi a biapi deuhmi a si. Khrihfa kan sinak nih Laimi a kan humhak kan ti ahcun ruah awk tampi a um.

MIPHUN HUMHAKNAK AH BIAKNAK NAK IN ‘HOLH’ A BIAPI DEUH

Nikum ah Shweli ah kan kal. Biakinn saknak zong ah phaisa lei in kan i tel kho ve. Chinmi lawngte an si. Kan i pum hna. Caan zong an kan pek ve kan i lawm ngai. Kawl holh in caan kan hmang. Naypidaw zongah Chin Khrihfabu an um. Chinholh zapi nih theih a si lo caah Kawl holh hman a si tthiamtthiam. Khrihfa Biaknak cu Kawl holh hman in biak khawh a si ruang ah Khrihfa kan sinak nih Chinmi kan sinak a kan huap kho taktak lo ti chim ka duh. A ruang cu holh dang in Pathian kan biak khawh caah a si.

ALBERT EINSTEIN (1879-1955 A.D)

“Khua tuaktannak cu thiamnak nakin a biapi deuh.” Kum zabu pakul chung ah science lei le khua tuaktannak lei minthang hna lakah Albert Einstein cu Relativity Theory (Pakhat le pakhat cuaithlainak Ruahnak fianternak) a hmuhchuahmi ruangah a minthang ngaingai mi a si. Relativity Theory (Pakhat le pakhat cuaithlainak Ruahnak fianternak) ah ai telmi theory pahnih 1905 kum ah le a tlangpi in (General Theory) timi 1915 kum ah a hmuh in a chuahpi hna. Mah cucu Einstein nih vawlei tthawnnak tiah a ti. Mah hi Theory pahnih cu a har in sullam thuk taktak a ngeimi an si. Hika ah zeidah an si tiah fianter kai tim lo. Relativity Theory (Pakhat le pakhat cuaithlainak Ruahnak fianternak) hmuh tonnak cu tampi a um ko.

FLORENCE NIGHTINGALE (1820 – 1910 A.D)

 “A hmasa bik siizung nih a herhmi cu mizaw cungah fahnak pek lo kha a si.”

Florence Nightingale cu 12 May 1820 kum ah Vialla La Columbaia, Florence ah a chuak i a chuah hnu ah an khua min lak in Florence tiah min an sak. A pa cu William Edward Nightingale a si i, 1 June 1818 ah Frances Smith he an i tthi um. Amah cu sal zuatnak dohnak leiah thapetu ngaingai a si. Fanu pahnih an ngeih hna. Parthenope le Florence an si. Parthe min an peknak cu a chuaknak Naple min an lak piakmi in a si.