Hruaitu Hna Nih Vanlawng A tlaknak Hmun An Va Zoh

March 24, Cawn nihnih ah France Alps tlang ah a tlami Germanwings vanlawng minung 150 an dihlak in an thi dih i, German, French le Spanish hruaitu hna nih hmunkhatte in vanlawng a tlaknak French Alp tlang hmun ah an va zoh.

Angela Merkel, Francois Hollande le Mariano Rajoy nih bawmhchanh rianttuantu hna sin ah lawmh biachimnak an ngei.

Vanlawng "black box" flight recorder pakhat a tlaknak hmun pawng ah an char. Airbus A320 - flight 4U 9525 cu Spain ram i Barcelona in German ram Duesseldorf ah minite 8 chung ah khual rang in tanglei ah thluahmah.

Khualtlawngmi 144 ah 72 hi German miphun an si. A dang minung 16 hi sianghngakchia an si, minung 51 hi Spanish an si tiah Germanwings chief Thomas Winkelmann nih a chim.

UK Foreign Secretary Philip Hammond nih vanlawng chung ah British miphun pa 3 an itel tiah fehter a si. A dang hliamhma tuarmi hna cu Australia, Argentina, Iran, Venezuela, the US, the Netherlands, Colombia, Mexico, Japan, Denmark le Israel hna hi an si. A

cheu khat miphun sinak pahnih ai tlaihmi zong an um.

Cawn nihnih ah Helicopter team nih Vanlawng "black box" flight recorder hmuhmi cu a hrawk dih cikcek nain thawngthanhnak cu a ngah ko tiah French ramchung minister Bernard Cazeneuve nih a chim. A dang flight data recorder pahnihnak zong hlathlaitu nih an kawl lio cuahmah a si.

Ref: http://www.bbc.com/news/world-europe-32046250