A Nu le Pa A Thah Hna I An Sa A Can Hnu Ah Microwave Ah A Chuan I Thaithawh Caah A Chiah

Kum 31 a simi Hong Kong mi Pianist pakhat Henry Chauhoi-Lueng timi pa nih a nu le a pa a thah hna i cu zong cu ai lungsilo i an taksa cu a can dih hnu ah microwave ah a chuan i thaithawh caah aa chiah.

Khuaruahhar le vansang-au in a tuahtu Henry Chauhoi-Lueng cu a nun thongthlak dingin court nih biachahnak an tuah. A nu le a pa hi kum upa ngai cangmi an si i hringtu a nu “Siu Yuat Yee” hi kum 63 a si i a pa hi “Chau Wing-Ki” hi kum 65 a si.

A nu le pa sa cu a can dih thlu hnu ah cite a phulh i Microwave ah a chuan hnu ah Lunch box chungah ai chiah i “ Voksa Eermi” a lo tiah an chim. Nifate a nunnak caah a hman hruk-aih le tangka duh paoh in hman ding an pek khawh lo ruangah a thah hna nak hi a si tiah Chau nih  a chim.

Biaceihtu (Judge) pawl nih an chimmi: Tu ahhin vawleicung mipi  in na thil tuahmi ruangah, hi tluk in maw minung hi ttih kan rak nun, tiin an ruah khawh. Nain biadik cu hiti hin a si. Nangmah le nangmah kha mawhphurhnak nai pe duh lo i midang lawng mawhphurhnak, na nu le na pa lawng na mawhphurhnak cu na ral ah an cannak a si” tiin an chim.

Police pawl nih an inn ah an va hlathlai tikah a nu le a pa lu cu (Refrigerator) chungah an va hmuh. An chungril pawl le an taksa pawl cu plastic in a tuammi hmun hnihthum ah an va hmuh. A tling lomi an taksa dang pawl cu a rak ei dih cang lai tiah an zumhnak kong police pawl nih an chim.

A thah hna ningcang an hlathlai ning ah a nu le a pa hi an hngawng in nam in a ah hna an zumh. Chau nih thahnawnnak kong ah bialehnak a tuahmi ahcun voikhat cu a cazoh lioah a pa nih TV volume thang tukin  a chuah ruang le a nu cungah a thinhunnak cu, Chau hi Piano cawng lio a si bantukin voikhat cu a nu nih a huam lo bu in a cawnter.

A upa (upabik) “Tse” nih a nu le a pa ruak le sa pelpawi hi mi hmuhlo dingin hlawhkhawhnak ding caah a bawmh ve ti a si. A tthen cu Cement in an tuam i tlakrawh (Break) bantuk in an hlonh.

Police pawlin a unaupa Tse cu hi a Nu le Pa thahnakih a telthu an suh tikah ” ka unaupa hi rualpipawlin an thah ding ka phaan ruangi hiti miih theihlo dingih ka bom naksan asi” tin’ a sim.

Police pawl nih a upa Tse cu hi a nu  le a pa thahnak kongah a telnak kong an hal tikah “ ka naupa hi hawikom dang pawl nih an thah sual lai ti ka phan ruang ah hi ti mi theih lo dingin ka bawmhnak hi a si” tiah a chim.

Ref: Chinlandtoday...