By; Salai Bawi Hlei Hu
Indian cu “ 1951”
convention lio ah ralzam cohlannak kong he petlai in min an thut duh ve lo caah
“ Indian cozah nih hin “ Ralzam zohkhenhnak le cohlannak ahhin cu
tluk in ttuanvo an ngei len lo ti hi a fiang. Mah belte Ralzam
zohkhenhnak ahhin ttuanvo ngeitu ding ah “Ministry of home Affair,
Ministry of External Affairs le a dang Department pawl deuh hna nih hin ttuanvo
an lak deuh.
The Foreigner’s Act, 1946
le Foreigner order tang ah a tarlangh mi ramdang mi India ram chung luhnak,
umnak le chuahnak phung tampi an ser ve mi ah travel documents ngeih lo in a
lut mi le a chuak mi cu a herh ning in dantatnak an ing ve le ti a si. Cu he petlai
in “ kawlram mi pakhat cu Travel Documents ngeih lo in India ram a lut caah “
1994” ah Calcutta center jail” ah an rak chiah bal nain “ 1995” July ahhin
Center Cozah le UNHCR pawl bawmhnak thawngin an chuak tthan i ralzam sinak zong
an rak pek chih ve lawlaw.
Kan tlangtar lei hun kir
tthan ning law “ Chin ralzam cu India ram “Mizoram” he hin innpa kan si kan
muihmai kan i lawh dih pin ah “ Ramri” lut/chuaknak kong ahhin “ Travel
Docments” ngeih lo zong ah kan i theithiam ngai ti hi fiangpup in “ UNHCR” nih
hin a theih cang ti hi ka ruah ning a si. 2012-14 UNHCR nih an
dotthlat ning ahhin kawlram ralzam pawl cu “ Border an Cross” tikah harnak an
ton lo an lut/chuak khawh ko timi a si. Cu cu kan unau cheukhat hna sin in
theih khawh a simi cu “ Malysia ah ai tthial mi le kawlram ah a kir mi pawl hna
sin in UNHCR nih hin lunghrinnnak a kan ngeih hi si. Hi pawl thil a um ruang ah
kum dang nakin “ Resettlement Programm” hi a tlawm chin lengmang nak zong a si
timi hi “ Chief of Mission hlun” hmurkaa in a chuak. A ruang nan kir zong ah
buainak a um lo nan him cang ko ti a si.
1.Atlangpi in UNHCR nih
Resettlement program a pekmi pawl tahfung kan zoh tthan tuah lai. Ralzam
nih a umnak hmun ah harnak ttihnung le fahnak tuar ding tiangin, harnak le
buaibainak a tonmi pawl, Cun ralzam nih a chuaknak ram ah a kir kho ti lo ding
etc pawl hna hi a tu lio resettlement auhmi pawl deuh an si. Hi vialte hi “
Ralzam Nu/pa Case” an zoh tthan. Cun ralzam a sinak ram ah a tonmi
harnak pawl vialte kha an zoh hnu ah hi Nu/Pa cu pek awk tlak a si ko timi deuh
lawng kha pek a si.
2.Vulnerable groups pawl ;
ralzam a simi nih a umnak ram ah hliam, fahnak le harnak ttihnung a
tongmi pawl E.g “ tlaihhrem, hrem, kutke pumtlinglo, hliam hmapu, caan saupi
damlo ruang ah zohkhenh a har cang mi le kum saupi ralzam dirhhmun in a um cang
mi pawl hna nih hin “ Resettlement program” hi UNHCR nih a pek deuh hna .
Hi pawl an
tahfung ahhin pakhat tal ah nai tel ve ahcun “Resettlement” na caah a lam a
fawi deuh men hnga. Nain a tu lio hi tluk in “ resettlement” hmu a harnak a
ruang ka vun tuak tthan tikah kan ram ramkhel lei tlawmpal ai thlen ruang lawng
ah siloin mi cheukhat “Indian in Malaysia lei ai tthial mi pawl le ram chung ah
a kir mi hna thawngpang an theih hna ruang zong ahhin India ralzam caah
resettlement a harnak lam pakhat zong a si kho ve men. Cun a cheukhat kawlram
cozah rianttuantu pawl India ram an rak tlawng poah ah an chim tawnmi cu ralzam
pawl hi “ rak kir hna seh harnak kan pek hna lai lo a kir mi cheukhat zong an um
cang ko a tu tiang ahhin cun him tein khua an sak kho ko kawlram a dai cang
buainak a um ti lo timi pawl hi India cozah sin ah an chimmi ruang hna zong ah
UNHCR nih ralzam hi “attention” a pek ti duh lo zong hi a si kho men.
Note: keimah nih ka dothlat
i ka hmuh tonmi pawl he pehpar in ka vun ttialmi a si caah careltu
zong nih a ruahzia rak ka thiam hram uh kan nawl hna.
No comments:
Post a Comment