Vawlei cung Mifim Minthang Minung 14 Nih An Chimmi Biatawi

Mifim hna nih khua an ruah an ruah i bia an rak chimmi hi zeitluk caan sau tiang khi dah a nguh. Atanglei mifim pawl hna hi kum tampi a liam cangmi ah vawlei ah caan a rak hmang ve mi an si. Cu hna an biachim mi cu tuchun ni tiang ah a hman i hmailei zongah a hman rih dingmi tampi an um. Cu hna biachim mi cu rel ve tuah law, na caah hlawknak a um kho men.

Aesop

1. “Ttihphannak he a zungzal umnak cun mivialte caah nunnak pek diam a ttha deuh”.

2. “Ral a um lonak hmun i raltthat cu a fawite”.

3.  “Lawmhnak hi lungthin ttha hmelchunhnak a si”.

4. “Hmuhkhawhmi thil cu hlen an hmang”.

Alexander the great

1. “Hrin ka rak si ruangah, hringtu ka pa sinah leiba ka ngei i, dawttlak tein nunzia ka thiam ruangah, a ka cawnpiaktu sayate sinah leiba ka ngei”.

2. “Alexander rak si cang hlahning law, Diogenes ka si hnga”.

  (Diogenes cu Alexander chan lio scientist minthang a si).

Archimedes

1. “Ka kepha chiahnak hmun rak ka pe u law, vawlei hi ka cawi lai”.

Daniel Defoe

1.  “Chiandeih run hmaichongah tuukawng chiahnak in, tuu run hmaichongah chiandeih chiah a ttha deuh”.

Aristotle

1. “Zulhphung ko khi hei sisehlaw cu bang, minung nihhin caan ttha kan hmuh paoh ah thil ttha lo kan tuah”.

2. “Hawikom timi cu mi pahnih chungah lungthin pakhat a um khi a si”.

3. “Mifim nih aa tinhmi cu nuamhnak hmuh siloin harsatnak hrial tu a si deuh”.

4. “Fimthiamnak i a hram cu a kha, sihmanhsehlaw a theipar cu a thlum”.

5. “Khuapi pakhat cu dun-dan ttha nakin, mittha pakhat nih, ttha deuh in a uk khawh”.

6. “Mivialte hi a thinhung kho mi kan si dih; cucaah thinhun cu thil fawite a si. Sihmanhsehlaw, thinhun hnawh awk a tlakmi minung sinah a zatawk tein, hun a herh lio caan teah, a ruang a dikmi te he, a hmanning tein thinhunkhawh hi cu mivialte nih kan tuahkhawhmi a si lo; cu bantukin thinhun cu a fawi lomi a si”.

7.  “Ruahchannak cu a kal a nungmi chunmang a si”.

8. “Rianttuannak cu hnangamnak in a dong”.

9. “Mitthalo cu ttihnak ruangah nawl an ngai, sihmanhsehlaw mittha cu dawtnak ruangah nawl an ngai”.

Sir Francis Bacon

1. “A herh leng tiangin cawnnak caah caan hman cu santlaihnak ngei lo, thathut rian a si”.

2. “Ngakchia nih mui lakah kal an ttih bantukin minung nihhin thihnak hi kan ttih ve”.

3. “Ruahchannak hi ttambal  caah cun a ttha ngai, sihmanhsehlaw zanriah ca taktak ahcun a ttha lo”.

4. “Cauk cheukhat pawl cu a teh lawngin teh awk an si, a cheu cu a dolh in dolh awk an si cun cauk zeimaw cu a khai in khai i rial chih ding an si”.

5. “Carelnak nih mitling ah a kan ser, minung hawi he ipumh i ruahnak i cheuhnak nihhin aa manhmi (ready) ah a kan ser i, cattialnak nihcun michawn-kheng (exact) ah a kan ser”.

6. “Thinghreu cu a hlunh deuh deuh ah a kangh a ttha deuh deuh, zuu cu a hlunh deuh deuh ah a thaw deuh deuh, hawikom cu an hlunh deuh deuh ah kan bochan khawh deuh deuh hna i, cattialtu cu an hlunh deuh deuh an carel a nuam deuh deuh”.

7. “A dammi pum cu thinlung caah khualriahnak innkhan a si: a dam lomi pum cu thinlung caah thonginn a si”.

8. “Mah bak hi a si tiin kan ithok ahcun, a sitak hnga maw aw tinak in kan dong lai; sihmanhsehlaw lunghrinhnak in kan ithok i lungsau tein kan pehzulh ahcun mah bak hi a si timi ah kan dong te lai”.

Bismarck

1. “Ramkhelrian hi ningcang tein tuaktanmi fimnak le hngalhnak cu a si lo”.

2. “Thil pakhat khat kongah ttha ve ko, na ti tikah na chimduhmi taktak cu nangmah nih kha thil tuah ve taktak duhnak lungthin a pelhmanh na ngei lo, tinak a si”.

Robert Browning

1. “Minung chungah ka huat bikmi thil cu ruahlo piin thinhunnak nih a chuah pimi tuahsernak hi a si”.

2. “Biaktak nihcun a chimtu a hliam bal lo”.

3. “Harnak a dih tikah humhtheihnak zong a dih ve”.

Dante

1. “Chimpihvansannak  lak i kan um lio caan ah lunglawmhnak kan rak ton ni le khua hna vun ruahtthan tlukin a ngan deuhmi ngeihchiatnak zeihmanh a um lo”.

2. “Nunnak timi hi nifatin te hi a si i kan nunnak a dihlak fonh hi nikhat aa nolh pengmi khi a si”.

George Gordon Byron

1. “Biatak cu a zungzal in a sunghar, ruahchommi tuanbia sawhsawhnak in a (strange) sunghar deuh”.

2. “Theihnak hna a ngeimi hna caah cun zeizong vialte ahhin ringawn (music) a um dih ko”.

3. “Minung hi khulrang ngai in mi duh i, fur tidor bang dongh hngal loin mi huat kan hmang”.

4. “Milunghrinhnak timi hi raltuknak ah hmanmi thir angki bantuk a si. Cu bantuk angki cu ralkap caah kilvengtu tu siloin hna hnawktu a si deuh”.

Miguel De Cervantes

1. “Teimaknak hi vantthatnak caah hringtu nu a si”.

2. “Ttihnak hi mit tampi a ngei”.

3. “ Raltthatnak taktak cu ttihhrutnak le ruah setsai lo i raltthat thlorh i raltthatnak karlak ah a um”.

4. “Chawva sunghnak a tongmi hi thil tampi a sung a si, a hawikom a sungmi hi cu nak cun tam deuh a sungmi a si; sihmanhsehlaw a raltthatnak a thlau mi nihcun a zeizongte a thlau dih”.

5. “Dinfelnak hi a ttha bikmi zulhding phung a si”.

6. “Mipakhat thinlung chungah a lo kho ti lo dingmi lungfahnak  pakhat va tuahnak cun a hmai ah va thongh diam hmanh a ttha deuh”.

7. “Changreu cu a thaw le thawt lo theih taktak na duh ahcun na ei a hau”.

Geoffrey Chaucher

1. “Tthathutnak hi rawhralnak vialte kutkapi a si. A tha a thumi pa cu kulhnak hauhruang a ngei lomi inn bantuk a si; thiltthalo nih a lam kip in a luhhnawh ko hna”.

2. “Mifim nihcun midang palhnak in fim an cawng; sihmanhsehlaw mihrut cu anmah palhnak lawng in fim an cawng”.

Charles Darwin

1. “A caan suimilam pakhat tluk man ngei lo in hman sawhsawh a ngamh ko rihmi cu, a nunnak a hlutzia/sunglawi zia a hngal rih lomi an si”.

2. “Midang cungah fahnak tlunternak cun mah nih sunghnak in hi a ttha deuh suaimaou.

Winston Churchill

1. “ Ka ram le miphun caah zeihmanh pek khawhmi ka ngei lo, ka pek khawh chun cu ka thisen, thazang, mithli le ka thlanti lawng hi a si”.

2. “Raltthatnak hi mi vialte nih kan ngeih a herhmi vialte lakah pakhatnak a si. Zeicatiah raltthatnak nih a dang thiamnak vialte kha an hmuhter lai”.

3. “Milungkhatphor kan ti tawnmi hna hi a ruahning aa thleng kho lomi le a tuaktanmi kong zeitikhmanh ah a thleng bal lomi hna khi an si”.

4. “Cauk pakhat ttial hi hawi cungcuang in zaanghleicawinak man a si. Hun i thok lio ahcun lentecelh le nuamhnak thil bantuk men a si; asinain a tlawmpal ahcun inn kilvengtu nu bantuk ah a a hung cang. Cun a rauhhlan ah uktubawi pakhat bantuk ah a hung cang i a donghnak ahcun hramhram loin mi a uktubawi tthalo pakhat ah aa cang tawn”.