Nigeria A Cozah le Boko Haram Pawl Kahdaih Hnatlaknak An Ngei, Sianghngakchia le Nu Tlaihmi Pawl Thlah Ding

Nigeria ramchung i ummi, Nigeria ram muslim ah canter a timtu Boko Haram pawl le Nigeria a cozah nih an karlak ah ikahnak a ummi cu kah lo ding (ngol chung ding) in lungtlinnak an ngei i, Boko Haram pawl nih Nigeria Sianghngakchia le nu pawl minung 200 an tlaihmi hna zong thlah an timhnak kong BBC nih a tarlangh.

Boko Haram pawl ruangah Nigeria ramchung ah minung 2000 thluk kum 2009 in a tutiang ah an thi. Nigeria’s Chief of Defence staff, Alex Badeh nih, “ Nigeria a cozah le Al-Sunna-Lil-Da awah wa Al-Jihad (Boko Haram) pawl nih kahdaihnak lungtlinnak an ngei. April thla ah, Chibok i an tlaihmi hngakchia 200 pawl cu Boko Haram pawl nih an thlah hna lai” tiin a chim.

Boko Haram cu :

1.2009 ah dirhmi a si.
2.Western cawnpiaknak cu thlauh ding ( Western education is forbidden ) timi cawnpiak a si.. A hleice Khrihfa cawnpiaknak

3.Nigeria ram cu  Muslim ah kan canter lai timi ruahchannak in 2009 in meithal an tlaih i, kahbuainak an thok.

4.Minung tamtuk an thah hna i a hlei in Khrihfa pawl an thah khun hna. Abuja i UN Headquarter zong ah kah.
5.Anmah ruangah minung 3 million nih harsatnak an tuar.

6.2013 ah, US nih Terrorist Group tiin a chim. Ref:BBC