Christmas Timi X-mas Tiin An Tialnak A Sullam

By; Ro Lan Fambawl

"A zeiruang ah dah Christmas hi X-mas in kan ttial?" Christmas le X-mas timi biafang ahhin  mi tampi a lung a fiang lomi kan um. Mi tthen khat nih  "X" calung hi  tinchia (math) ahcun theih lomi number a si. X-mas an ti duhnak a ruang cu  Jesuh chuahni hi a hohmanh nih  an hngalh lo caah X-mas an ti nak a si"  tiah an chim.

Cun mi tthen nih "X'mas an tinak a ruang cu  Christmas cu vawlei cung hmun zakip ah  hmanmi a si. Khrihfa ca lawng a si lo caah "X"  calung te hi Christ timi biafang aiawh ah zapi nih hi ni le caan hi sunglawi tein an hman khawh nakhnga an hmannak a si." tiah an chim ve. Ticun phundang dangin an chim cio nain "X" (X-mas) nih a sawhduhmi hi cu cu a si lo.

Christmas timi biafang hi Greek holh a si i,  Greek in Christmas cu Xtemass a si.  Mirang holh i Christ timi biafang hi  Greek in Χριστος a si. "X" in aa thok. ("X" hi "Chi" aw chuah in an chuah.) X-mas zawn i X hi Mirang calung "X" khi si loin, Greek calung a si. X (Chi) cu Χριστος (Christ) timi biafang i a tawinak a si. Cu caah Xtemass (Christmas) timi biafang hi a tawinak in X-mas tiah an ttialnak a sullam cu a si.

(reelnak:http://en.wikipedia.org/wiki/Xmas)