Caan Liamcia Ah Kan Kir Tthan Ee..

 By; H.C Chan Hrang

Zan nazi 1:00am ah ka hen phawn cu tawite in a awn/ring. Message ka henfawn ah a lut ti kha ka theih colh. Sinain, ka customer he kan ichonh cuahmah lio a si caah ka Message cu ong lo in, ka customer he kan i chawnh dih bak cun ka van on cu awi!!!! ka lau ko. Zumh awk ah a har kho tuk. Ka Message dawnmi ahcun ti hin aa ttial .“ tu zan cu kan ngai tuk, na ka ngai ve maw ?” ti in bia a ka hal. Kan ngai tuk ve, na dam ttha  maw tiin ka hei leh “aw ka damttha ko. A hlan bantuk khan na ka daw peng maw?” tiin a van ka hal tthan tik ahcun leh kai harh ngai. Ti hin ka hei leh tthan, Caan saupi cu liam cang hmanh sehlaw kan dawt tthiamttthiam ko kan philh bal lo e.. Sinain….ti khin ka hei leh tthan i..

Sianginn ka kai lio ah hin sifakte in kaimi ka rak si ca ah khan, mah hi sianginn ka dih hlan lo Darling ka ngei lai lo tiin keimah le keimah biakamhnak ka rak ngei cang. Uniform ihruk a um ti lo tikah siang hngakchia hnipuan an i aih/hrukmi hna a manto ngaingai mi an si tawn hna. Style khawh chungin style in ittamh cio cu si kaw… Mi sifak le mirum fa cu fawizaang tein hngalh khawh an si ko. Khuate sianginn kaimi ka si tikah holh lei ah harsatnak tlawmpal ka nei fawn. Cotton jean pakhat, bawngpi pakhat, angki pahnih in a kumkhatnak cu ka hei dih ve..

A kum hnihnak  cu kan van ithawh than. Ka hawi le he hmun khat sianginn kai dingin ka kal ngam lo caan tampi zong ka nei fawn. Keden  a tanglei a pem cangmi he cun sianghleirun hi nuam ti a har ngai tawn. Ka lungchung i chuakmi tu cu Ca kaa zuam lai kan Class ah pakhatnak ka si ahcun hnipuan ttha nei hlah hmanh ning law, an ka nek ngam lai lo timi kha ka ruahnak cu a si. Smester pathumnak le pali nak ahcun Pathian zaangfahnak thawngin kan Class ahcun Pakhatnak ka si tik ah  ka hnipuan neih lo ruangah ka ningzah tawnnak vialte kha a tlau dih. Ka hnipuan chiat ruag ah a ho hmanhn ih an ka nek ngam fawn ti lo kai nuam ngai cang. Final year (semester panga nak le paruknak) ahcun Magazine Editor rianttuan dingah thim ka si.. A kum khatnak cawng dingmi pawl cu siangin ah an rak kal hna. Sianginn fee pe ding cun kei zong cu ka dir. Ka sir leiah nungak note, a tawttawk ttha nawn mi, jean bawngpi i tlak taktak in a dirmi ka hei hmuh. Final year ti cu a kum khatnak ka biakam kha ka philh diam. Amah hnu ah a dirmi nungak kha ka hawinu a si i, a min rak ka  halpiak tiah ka ti. A hnu ah tlawmpal ah amin cu Vani a si tiah an ka chimh.

Sianghngakchia hruaitu pawl hna cu Technical Week kan phanh hlan deuh te ah khualtlawn kan hau i, kei zong cu tlawngding timi ah kai tel caah ka tlawng ve. Khual ka tlawn hlan ah ka hawipa sinah thil umtuning rak ka thlithlai piak tiah ka ti. Khualtlawnnak hmun in ka hong tlung i, thawngpang a ttha pah maw tiah ka hawipa cu ka hal tikah, tthatpah dawh cu si ko.  Technical week kan thok bak cun amah pawng lengmangah um ka tim colh Magazine Editor kan ti cu, hmanthlak, Video zeih a hau lengmang  fawn. A hnu ahcun ka sah i, thaizingah a phi kan chimh lai ti cu a si. Thaizing phanh lai cu kai ngaih tuk ning hi a mak tuk.. Ka ttih pah fawn. Thaizing ahcun, a phi cu ka hal.  Mino te ti cu ka hawile pawl  ka hal hna lai i, ka hawile pawl nih aw an ti ahcun aw a si ko tiah ah a ka ti cu loh bak a si ko. A nghakchiat tuk caah a si ti kha ka theihthiam. Cu hnu ahcun a phi cu a ka pek i, Aw nihin ni thok cun na darling ka si cang lai, ka lung ka fak ter hlah mu tiah a ka ti cu!! Kaa lawm tuk i, zuan colh ka duh mah cu cu kan hram kan ithoknak cu a si.

Kei Hostel ah ka um fawn caah duh caan poh ah chuah a ngah fawn lo. A nih cu ka hostel pawng i khua, meng hnih tluk  hla ah a ummi a si fawn. Zarhte ni lawngah leng chuah caan ka ngei kho. Zarhte ni zong ahcun ca zoh peng a  hau fawn. Kan siangin lawngah kan in hmu kho, cu ka zongah cun chun idinh caan lawngte khin a si fawn. Library ah kal a hau fawn, sinain lakphak dinnak caan te ahkhin  a pawngah tthu in kan dingtti tawn.

Khrihfa ka si ti kha zeiti hmanh ah ka philh lo. Sual tuahduhnak lungthin zong ka pu fawn lo. Dawhte in a nun khawhnak hnga le ca aa zuam khawh nak hnga thazaang ka pek peng..December thla kan hawng phan i sianginn khar a si lai caah, mah le khua lei cio ah cun tlun a si. Kei zong ka tlunnak ding mawtaw ticket cu zingka chuakmi ah ka la duh lo. Suimilam pahnih thum zong a sunglawi lo maw tiin zanlei chuahmi ah ka lak. Zingkate in ka tho, ka thilvialte timhcia te in ka chiah dih. An khua lei ahcun ka kal an dawr ah ka tlunnak ding mawtaw cu ka hngak.. Ka tlunnak ding mawtaw an rak thlen diam caah, kan sianginn ah  suimilam pahnih chung hrawng an ka hngah. Ttha te hmanh ithlah manh loin kan sianginn lei ahcun ka kir tthan cun khua lei ahcun ka tlun tak..

January ah caminpuai phi colh ding kan si caah, a zarhkhatnak January ahcun siangin lei panh cun ka kal tthan i, cazoh in ka buai tuk caah an inn zong ah ka kal manh ti loh. Semester paruknak a donghnak cem kan phanh cang caah, ka project ti ding siseh seminar ti ding siseh a tam tuk caah Library lei ah mi nih cauk tthami an ka lak kanh sual ah tiin, caminpuai kan phitni dongh bak ahcun ka lut lengmang cang. Ni li  ni ah caminpuai phit kan dih i, ninga ni ah semester paruknak ca kan cawng colh. A hmaizarh ni khatni zanlei ah ah sianginn kam bakah rak ka thlah seh ti kha a rak duh tuk ve. X’mas le kumthar zong kan rak hmantti khawh ti loh caah a li rak leng tuk ve. Ka thlah ti lo Library ahcun lo diam ka luh tak. 

Ka handphone cu a hawng ring i, a hawinu nih a ka chawnh hmasa. X’mas le  kumthar zong nan hmang kho lo voikhatte thlah hmanh na duh lo tiah, kan piat ko lai a ti i,  rak ka chimhpiak a ti tiah a van ka chimh. Ka lung rawk tuk i, kan hostel ah  ka kir. Ka hawile handphone in thil sining ka chim len zongah a duh ti lo. A lu a lei ko cang. Kei ka ruahning ahcun keimah caah pei ca hi tluk hin aa zuam cu tiah a thanuam ngai dingah ka rak zumh lio ah, kan ruahnak a lo ti lo ai…

Ka fawn balance thunnak dingah piakhat zong ka nei fawn lo. A cozah bawmhnak ka ngahmi phaisa ka thoh hnu ah Rs 160 man ka rawn i, Suimilam pariat  hrawngin ka chawnh tthan. Kan siangbak lo tiah hehchet ka nawl zongah duh ti hlah. A ti awk ka thei ti lo, “kum 24 ka tlin tikah kan i uar tthan te lai” tiah a ka ti. Kei nihcun aw!!... zeiti awk ttha na ka uar ti lo ahcun kan ttian ko ne lai mu ka hei ti.mah a nih zong cu a ttap thluahmah ve.. Sinain aw hoikawm ttha tu si kan izuam peng lai mu…., mangttha tiah ka ti. Ka fawn cu ka off diam.. Lungthin kek kuai taktak in ka room ahcun ka um. A donghnak bik ah tiah, a u nu Mahmingte cu ka hei chawnh than. Na nau nihcun a ka uar kho bak ti lo ngaihthiam ka hal zongah a duh ti bak loh tiin ka hei ti. “Mahcu ruangah cun a si lai mu a tu hi a ttah” a ka ti. Na lung dong hlah a ttha dih ko lai tiah a ka ti. A hnu Suimilam cheu hrawngah ka phone ah message a rak lut. Ka van zoh cu Vani number bak cu a si ko. Message chungah cun hi ti hin aa tial “Na ka tthi duh taktak lai maw ?”ti ai ttial.  Ka khuaruah a har ko. Kaa lawm tuk fawn. Kan tthit duh caah pei maw kan nawl lengmang cu tiah ka ti,, Cun kan in rem tthan.. Zan ah ka hngilh thawt tuk ning cu khawruah har a si..

A thaizingah cun sianginn ah chun idinh caan ah kan i hmu lai mu.. tiah kan ihmu lai mu tiah bia kan itiam. Hmuh lai cu ka ttih  ngai ka duh pah fawn kan van  ihmu cu a nuam taktak. Zarhteni ah an in ahcun ka va leng. Caan ttha tein le nuam ngaiin kan hmang tti. Tthutdenh saumi pe ruk hrawng a saumi ah tet taktak in kan thu i, TV kan zoh. Cu ka lio ah an Landline telephone cu a hung ring kan lau ngai,” aw… ka darling nih a rak ka leng i,” tiah a van chawntu nu cu a hei leh. Ka lau ko, khawi na darling cu kan chawn ve lai tiah an rak ti. Thiir lengmang cun ka vun Hello ve i,” Khah  dawte in um nan rak in zuam lai mu” tiah an ka nawl cu ka thlan tifim zong a chuak  viar. 

Valentines day zong cu nuam ngai in kan hmangtti. Ka ti khawh tawk te Card aa dawh ngaimi pakhat ka cawkpiak khawh. Nain ka pek tikah lunglawm ngaiin a ka cohlan mi ka hmuh tikah kei zong cu ka tha a nuam ngai ve.. Nungak thei ka te ti cu a ningzah a pang tuk fawn. Zanah kan Warden pa ka hlen. Kan hostel in ka hawipa he cun kan chuak i, PCO dawr pakhat te lawng a um caah, minute panga hrawng kan hngak, ka darling cu ka hei chawnh i, kan ichawn sau pah ngai cang. Patling pakhat nih cun” Mah cu tlangval pa cu a hman a sau  ko e. Patling kawmitti cem bak pei maw, bia a chim  hi” a ka ti cu hehehehe…

Zeimaw zeimaw ruangah a birthday ni ah present dingah bawm chungah Rosepar dukmi zawng ka chiah dih cang hnu ah fak taktak in kan i si tthan. Kan i sik ning a fak ngai. A bia nihcun ka thinlung cu fei chunh in a ka chunh. Lungdo hma bantukin a bia nihcun fahnak a ka pek. Ka dawt kan tthen siang lo. Midang caah kan siang lo e.., kan itthen ahcun ka thi ko lai tiah ka ti” Na duh va thi law, ka zei poi lai lo” tiah a ka ti cu ka lungfah hi pasal ka si ve nain ka celh bak lo. A ka lehnak cu; si hmanhsehlaw, ka dawttuk ruangah ka ngaihthiam khawh dih.. Semester paruknak a dihnak zong si fawn caah kanmah thlahnak(Farewell) ni ah a si kho ti lo kan itthen taktak ko lai cang a ka tiin ka mitthli cu a tlau thluahmah. Kan sianginn zuun ngaih si, ka dawt he kan itthen ding a si ho tikah ka ruah ah ka celh ruam lo. A zarh nolh ah caminpuai phit a si fawn.. Ca cu ka ciah kho bak ti loh. Zeiti awk tha ka lungsak ko tiin in Missionary ttuanmi nu nungak cu ka fawn i, ka darling he kan itthen ka celh bak lo. Camingpuai phi ding ka si fawn zaangfahnak in thla rak ka campiak mu tiah ka nawl. A nih zong nihcun si khe thla ka rak in campiak lai mu tiah a ka ti.. Caminpuai dih cun sianghngakchia hruaitu hna cu NSS duty in Lungrang ah kan kal. Cu ka cun ka hawipa nih bawm chung ah milem dawh taktak  thlalangin tuammi a ka pek. Cu cu ka darling si tawnmi tu i hawikomtha ah a cangmi cu ka pek…

“ Milem thlalang in na tuam mi kha tutiang ka room ah ka chiah peng ko. Tutiang hin na ka daw peng rih maw?” tiah meset a ka kuatmi nih cun caan liamcia mi ah khan a kan kirter than. Kan dawt peng ko rih e.. tiah ka leh tthan…A nih zongnih kan itong tthan kho ti lai lo ti kha a hngalh bantuk in kei zong nih ka hngalh ve tthiam tthiam..nungak a theih kate i a darling pahnihnak a rak simi pa nih khan thilttha tampi ka rak cawnpiak ruangah le a cungah lungthin thiang ka rak put tawnmi cungah khan lunglawmh bia a chim i, caan liamcia ah auh kir khawh si ti lomi ah kan ruahnak cu a kir than e..

Note: Hi cattialtu hi Mizoram Lawngtlai District ah a ummi a upat hnu ah Laiholh a thiam mi a si i Laiholh cawnnak ah a ttialmi lenhloi a si. Laica hi amah tein a cawn i hi tluk hin a thiam kho…