Rev.Adoniram Judson Tuanbia

 

Kawlram ram miphun a daw i sermi thil vialte a zohkhenhtu kan Pathian nih Rev.Adoniram Judson cu July 13,1812 kum ah Kawlram ceuter dingah a run thlah. Kawlram Tipil Khrihfabu nih Rev. A.Judson philhlonak ah kum fate July thla 13, he aa naih bik zarhpi ni cu a mah upat pek le philhlonak ah khrihfabu kip nih tuah a si.

Rev. Adoniram Judson cu Adoniram cu August 9, 1782 ah Mahden Massasachusette, American ram ah a chuak. A pa min cu Rev. Judson a si i a nu min cu Abigail Brown a si. A chuahpi unau pathum a ngeih hna. A mah cu kum 19 a si ah Brown University ah B.A degree a la. Cu hnu in a pa nih Bible sianginn kai a fial i a pa hmai cu dengteo in  a vun zoh ka pa bible ca cu minung pakhat nih Mohammad kong a tial bantuk le Gautamah kong an tial bantukin Jesuh kong zong an tialmi a si ve tiah a vun ti. Minung pakhat zumh cu biaknak a si ballo hen cu tiah a pa bia cu a al.

Adoniram Judson cu Brown University ah ca chimh an fial nain a cohlang hna lo a mah cu capar le tuanbia ti bantuk cattial huammi a si. Cu bantuk catial ding tu ahcun ca va rel ah New York khua ah a va kal. Ca thatha a ve ko zongah lunghmuihnak a ngei kho lo. Zan khat cu a riahnak Hotel ah lungli leng ngaiin khua zongza ruat in  athu ko. Cu lio caan ahcun a ihnak vun changtu ihnak khan in mi hram thawng a vun theih tikah a lau tuk i a khuaruah a har. Cu bantuk aihrammi pa cu va thi sehlaw khuazei ahdah a kal lai tiah khua a vun ruat. Khuadei le cangka in cu aihram tu pa kong a va hlat ahcun a kal i a rak thi cang.Cu pa cu a hawikom, sianghleiruun a kai ttimipa a si i Pathian cu a um lo tiah a rak ti tu pa a si. Cu a hawipa ruak a vun hmuh in “ a pa nih zei bia dah a rak chim.” Timi kha a vun hngal than, “aw kei zong hi tah thi ve ning law khuazei ah dah ka kal lai.” Tiah khua thuk piin a ruat, a thin phusip in inn tlun aa thawh.

Inn a phak hnuah bible sianginn ka kai ko lai tiah ka lung kaa thlek cang tiah a pa cu a ti. Kum 1808 Andover Theological Seminary ah a kai. Cu sianginn ahcun bochan awk ngai minung a simi hruaitu  a hung si. Cu sianginn a kai lio ah cun  ram dang ah mission riantuan cu a lung chung tein saduh a that. Cu lio ahcun a pa cu Boston Khrihfabu ah lutlai pastor a si a pa nih a fapa cu ka rian hung ka bawm she ti kha a timh mi a si. Asinain Adoniram Judson  nih cun ramdang ah Pathian riantuan ah ka kal lai a ti tikah a unau hna le  chungkhar nih an thlauh len. A leh mi hna cu kei cu ramthar nawrtu dingah kaa tim cang hi ka kan khua um cu ka sithiam ti lo a ti hna.Hi bantukin  midang thlarau caah duhsaknak a ngeihtertu  le mission riantuan duhnak lung a hun chuahtertu cu  kum 1809 Dr, Cloudias Bushanan catialmi a relnak zongin a si. Lung thul loin zumhnak, Jesuh Khrih khamhnak thawngtha chimh a herh mi sin theng te va kal lo ding kha a ruat kho lo i kum 1810 ahcun zei khom a si ah ka thlauh hlah uh, kei cu ramdang ah ka kal ko lai a ti hna. 

Cu ti cun  American ram mission riantuantu bu nih September 19,1810 kum ah nichuahlei ram ah mission riantuan dingin an cohlan. A nu le a pa a unau hna nih ramdang kal cu an siang lo mitthli he an thlauh nain ka let kho ti lo a ti hna.

Adoniram Judson cu ram hlapi ah mission riantuan dingin kalnak caan nih a hun phak deng tikah nupi thitlo cun a si kho lo i Bradford khua i ngaknu duhnung mipanh lau le umtu hawiher len hawi dawtte a simi Ann Hasseiltine timi Nancy ti zong an auh mi nu te he February 5,1812 kum ah an i tthi-um. Ann cu American  Masachossette peng Bradford khua ah 1789 kum December, ni 22 ah a chuak. A pa cu John Hassenltine a si i a nu cu Rebecaa  si.fanu fapa panga lak ah Ann cu a hniang bik cem a si. Adoniram Judson cu nupi a tthit thaizing February 6 1812 ah a hawi le pali hna he hmun khat ah Tebernacle  Khrihfabu nih ordination an pek hna. A rauh hlan ah mission riantuan ding cun February 19,1982 ah Caravan timi sangpahlawng in American ram cun an pok. A thi-um ka te vun si i u le nau nu le pa he lam hlapi ah vung kal ruangmang cu a fawimi thil a si hrim lo. An I thawhnak le mission a thlahtu hna cu an Khrihfabu  Congregational Church a si. Ann le Rev.Adoniram Judson cu American Baptish Mission le Protestant bu in a hmasa bik ramdang mission riantuan dingah an thlahmi hna an si.

An nu pa tein India ram an phak tikah Rev.William Word he Pathian biaruah ttinak an ngei hna. Cu ahcun an nupa in Baptist Khrihfabu chungah an lut i, cu tikah a cawmtu hna he pehtlaihnak cu a cat cang. Cu ti cun September 6,1812 ah an nupa in Rev. William Word nih India ram, Calcutta State, Carbazon Khrihfabu ah tipil a pek hna. A rak thlahtu Congregational pawl nih pehtlaihnak an tuah ve ti hna lo tikah harsa ngaiin rian zong fak piin  an tuan ve, cu pinah Carey le a hawi le zong nih an rak bawmh ve hna. A hnu caan a rauh deuh ahkhin American Baptist Mission bu pawl nih 1815 kum September ah an rak bawmh hna. India ram Calacatta khua ah June 1,1812 an phaknak in thla li a rauh ah tipil an ing. Cu hrawnghrang ah thil a ummi cu India cozah nih Mission rian nan tuan kho ti lo tiah thawng a thanh. Cu caah cun an nupa in France  ram Isle tikulh ah kal dingin  tilawng an hngak i a kal ding a um fawn lo, Lungrethei ngaiin thla an cam I Pathian nih a kan thlah mi pei kan si cu tiah lungdong loin an um hnu, thla hnih a rauh ah France tikulh cu an va phan. Cu hmun ah an va um tikah a har ngaimi temh innak phunphun inn ngeilo umnak ngei loin a phunphun harnak an tong. Madras lei kal than dingah 1813 May ni 7 ah cu tikulh cun an pok. 

Cu ti an kalnak dingah Penang khua kha va pal a hau, cuticun lampi ah tap tialmal tein an kal i Madras cu an phan i siangbawi dang pawl nih lunglawm tein an rak don hna. Cu hmun cu England ram siangbawi pawl umnak si kaw Amerecan mission riantuantu he um ti awk arelrem deuh lo. An nupa cuka an phak cu Bangal nawlngeitu hna sinah an thanh i an duh le an nupa in tlaih le hrem zong an kut ah a um. Judson nih cun Penang kha Pathian nih a kan thimpiak mi ram a si ko rua tiah a ruah hnabei dong ngaiin an um, cu hmun kal dingah lawng zong a um fawn ti lo. Cu lioah cun Kawlram kal dingmi lawng chiava te “Geargians” an timi a um tiah an theih. Cu tikah Madaras lawng dinhnak ahcun an va kal i cu ka cun Kawlram kal ding lawng cu an i cit. Cu ticun har ngaiin July13,1813 ah Rangoon khua a tu Yangon khua an phan. Cu lio Rangoon cu in 1500 minung 10000, hrawng lawng umnak khua tenau a rak si.

Ann le Adoniram Judson cu harnak tampi tuar in Kawlram minung lakah thawngtha aa kan phortu an si. Cucah an mah philhlonak ah MBC (Myanmar Baptish Convention ) hruainak in kum fate Judson te nupa Kawlram an phak ni July 13, he aa neih bik zarhpi ni cu “Judson Sunday” tiah kan hmannak cu a si.

A tlawmpal in  Kawlram chung rian a tuannak vun peh ahcun riantuan hram an domh in harnak fakpi antong. Cu lio ah Engalican Missionary thlah mi Carey fapa Felixcarey cu Rangoon ah kum 6 a rak um cang i Kawl nu a thi, cu hna nupa nihcun an zohkhenh hna. Judson cu kawlram a phaknak in kum 6 chung kawlholh le kawlca a cawng. Kawl Bible ca cu a leh i January 31,1834 ah a dih. Moulmein ah 1840 kum ah an tial dih, cu pinah Kawl Dictionary cu 1826 kum ah India ram Calakalta khua ah  nam i chuah aa tim. Asinain Judson cu hlathlaitu ah an lungrumh i thong ah an thlak tikah a tuah manh lo. Thong chungin a chuah kum 1849 ah cu ca cu chuah dingin aa tim ko nain a rauh hlan ah kum1850 ah a thih tikah cauk chuah khawh a si ti lo. Cu tluk i teiman a thluk cu E.A Steven a lung a suk tuk i a mah tu nih kum 1852 ceo ah Moulmein ca namnak tuin a chuah than.

Rev.A.Judson cu Yangon ah kum 10, Inwa thong ah kum 2, Moulmein ah kum 23 a um chungah har ngai le thaba ngaiin an nupa Kawlram miphun caah Pathian rian an tuan.  A dawtmi Ann nih October 24,1826 ah a thihtak. A  nih zong April 12,1850 ah rili cungah a khualtlawn lampi ah Bawi Khrih ah aa din. A thih lio ah Assiocation 8, peng 52,Pathian riantuantu sayamah 48,Pastor 114, Khrihfabu 74 le tipil ingcia 892, Khrihfa zumtu milu 7904, Bible sianginn le pa boarder fonh sianginn 12, pa sianghngakchia 418, chun sianginn 44 sianghngakchia 707 an si hna.

Nihin ni ah American Masachusat peng Mawladin khua Khrihfabu  tonnak inn an timi ah ca an tialmi cu Rev. Adoniram Judson  a chuahni 1788, August ni 9, a thih ni 1850 april 12, a khua Mawladin, Athlan, Rili tiah caphel cungah an tial i cu ca phel cung an tial rihmi cu “ Kawlram miphun zumtu hna le Bible ca, vancung khua” tiah ca an ttial.