Democracy Timi Cu

Democracy biafang hi Greek biafang “Demos”in a ra mi a si. Demos sullam cu mipi tinak a si. Democracy uknak phung ah ram nawlngeihnak sangbik cu cu mipi sin in a ra.

1. Democracy uknak phung hi a tlangpi in aa khat ko nain, ram pakhat le pakhat hmanmi phung hi an i dan deuhnak tete a um ve.

 2. Democracy phung ahcun ram rorelnak le nawlngeihnak

cu mipi kut cung ah , direct in a siloah mipi aiawh thimmi palai hna nih an ngeih.

 3. Democracy uknak phung nihcun mipi zalawnnak kha a runven i a dirpi.

 4. Democracy cu mitam deuh duhning in ram uknak phunglam a si. Cun pumpak le mi tlawm duhnak zong kha upat pi a si. Mitam deuh duhning in ram kalpi a si nain, pumpak le mitlawm bu covo zong kha a upat i, a kilkamh ve.

 5. Democracy uknak phung nih Center cozah nawlngeih tuknak kha a doh a hrial i, peng le tlang nawlngeihnak kha thazang a pek. Mipi duh ningin kalpi khawhnak caah khuatlang cozah kha thazaang a pek.

 6. Democarcy uknak i a rian biapi bik hna cu, minung covo hrampi a simi, zalawng tein chimrel khawhnak, zalawng tein biaknak zumhkhawhnak, phunghram tangah thleidannak um loin ram mipi kilvennak le, ramkhel rian, zatlang hawikawmhnak le chawlehthalnak ah zalawngte in tel khawhnak lam a pek.

7. Democracy uknak phung nih zalawng le a dikmi i thimnak kha mipi caah a tuah. Uknak phung nih hramhram in uktu nawlngeihnak le ramkhel bu pakhat lawng nih ram kong ah nawlngeihnak kha duh lo. Mipi duhmi le mipi thimmi cozah a dirkamh.

8. Democracy phung nih cozah kha ram uknak phungpi ningte in ram le mipi hruai kha a dirpi. Ram mipi karlak ah thleidennak um loin ram phung nih ram mipi dihlak kha runvennak a pek hna. Mipi hna covo kha phung (Law) in a runven.

9. Democracy uknak phunglam hi avang a kau tuk. Ram pakhat i ram hran um tuning, zatlang nun le mipi hawikawmh nak hna kha a langhter. Democracy phung nih mipi nunning kha a kalpi. Hramhram phun khat duhnak le ruahnak lawngin ram kha a kal pi lo.

10. Democracy uknak cu ram mipi nih covo an ngeih lawng si loin, ram uknak le ram kongah i tel khawnak ttuanvo zong an ngeih chih. Cu nihcun mipi covo le zalawnnak kha a runven.

 11. Democracy society nih lungsaunak le intuar khawhnak , ttuan ttinak, i theihthiamnak man hna kha a upat i a dirpi. Zapi lung i funtom khawhnak caah pakhat le khat i nawlpat le theihthiamnak lak kha a kalpi ning a si. Cucu a zungzal in asi khawhlo hmanh ah a dirpi peng. Mahatma Gandhi bia ah “ intuar khawhlo hi, hrannak ( Violence) a langh ning phun khat asi i, democracy thlarau tthanchonak caah dawnkhantu thil pakhat a si tiah a ti.

Political Parties ( Ramkhel Bu hna)

1. Ramkhel bu (Political Parties) hna cu mipi nih dirhmi ramkhel bu an si. Mipi le an ram cozah kar ah pehtlaihnak a tuahtu bu an si. Party pawl nih duhmi palai kha cozah tling dingin anmah aiawh ah an tarlangh hna. Cun ram uktu dingah thim an si khawhnak caah a chimrel ttanpi hna. Anmah nih ram mipi cu ram cozah hruaitu upa thimnak caah an hauhawh hna.

 2. Thimnak ah teinak a hmu i cozah a dirhtu Party nih ram hruaining phunglam ( Law) le dirpi mi lam ( Policy) le rianttuan ding ( Program) hna kha an ser. Cozah a tling lomi party hna nih khan cozah nih aa tlaihmi policy le ruahnak hna kha zalawngte in an soisel hna i, an mah dirpi mi ruahnak le policy hna kha an chuahpi an dirpi ve.

3. Ramkhel bu hna nih mipi nih thimmi cozah upa hna rianttuannak kha mipi nih dothlet khawhnak le theih hngal khawhnak lam kha an sersiam piak hna.

4. Democracy ramuk phung ah ramkhel bu hna nih democracy nih a dirpi mi phunglam hna cungah zumhnak le hngatchannak an ngei kho. Ramkhel bu hna nih ram hruaitu cozah ah an upa hna an tlin lo hmanh ah ram mipi nih thimmi ramkhelbu cozah a tlingmi nawlngeihnak le hruainak kha an pawm hna i an upat hna.

 5. Democracy ram phung ah, ramkhel bu hna chungin chungtel cio hna nih an i dennak le ratnak dirhmun kha an langhter cio. A cheu cu mi tlawm le zaangder an si. Asinain, ramkhel rian ah tlaihmi zumhnak he a dirmi an si ve. Adang zong chawlehthalnak timh in siseh, tuanbia p e h t l a i h n a k  ruangah a dir tti mi hna zong an um ve. A dang bu cu pehtlainak le dir ttinak ngei lem loin, thimnak caan lawngah a dir ttang tti mi hna zong an um ve.

 6. Democracy ramkhel bu hna cu a hme mi bu an si ah siseh, a ngan mi bu le dirttang tti mi bu hna an si ah siseh, ram rian honak ah tuarinn khawhnak le i theihthiamnak in i ceihkhannak men kha an upat i, an i tlaih hna. Hmunkhat ah dir ttinak le rianttuan tti nak lawngin ram mipi caah hruaitu le a khatmi lam kha zulh khawh a si ding kha an theihthiam. Cuticun mipi dirkamhnak le ramsernak ah rianttuan khawh asi ding kha an i fiang.

7. Ramkhel bu hna nih ram kongah ruahnak le dirhmun thil sining in thlen a herh tawn  ning kha an theih. Cun zapi lung i hmuhnak cu daihnak in i elhmai le zalong tein i ceihhmainak a um hnu in sersiam khawh tawn asi kha an theih.

 8. Ramkhel bu hna karlak ah i dohelnak a um tikah ram cungah zumhawktlak dirhmun( Loyalty) he i dohel kha democracy uknak phunglam asi. A chim duhnak cu ruahnak le dirpi mi aa dentuk ko hmanh ah, democracy tlaih hram phun a si mi- zalong tein chimrelnak, i zumhnak, ram phunglam tangah thleidennak umlo in runvennak le mipi hmai ah zalong tein i el-ceih khawh a si. Thimnak ah a sungmi ramkhel bu hna nih an dirpi mi ruahnak le dirhmun hna kha chimrel khawhnak le an covo hna dirkamh asi kha an zumh peng. Cu ticun mipi sinah an dirhmun chimrel tthannak le mipi duhnak le mipi thimfung ( vote) hmuh khawh tthan kha an i zum peng ve.

9. Democracy phung ahcun, remkhel bu hna karlak ah i zuamnak hi i dohnak tiah ruah asi lo, mipi caah rianttuannak caah i zuamnak asi.

 Ramzaukphung (Federalism)

 “A luatmi miphun tampi, bia holh in siseh, zumhnak biaknak in siseh, nunphung zulhmi siseh aa dangmi miphun hna nih uknak phung pakhat tangah lungtling tein um tti an duh tikah, mah umnak hmunhma cio in mah tein i uknaknawl le chawlehthalnak le zatlangnun hawikhawmhnak ah thleidennak um loin covo tluk te tinco cio nak a umnak, ramzaukphung cozah ahcun cozah nawlngeihnak kha khua, pengtlangin ram pumpi tiah a dotdot in an ngei cio. Mipi timmi cozah hruaitu hna nih khuatlang le pentlang duhnak le herhbaunak zoh chih in uknak policy le program hna kha an tuah tuan. Khuatlang (Local) cozah hna cu ram cozah hruaitu hna he ram le mipi nih atonmi harsatnak hna kha an siamrem”.

1. Ramzaukphung cu ram nawlngeihnak kha mipi thimmi cozah hna karlak ah mah le hmunhma hawih in ram khat chungah i cheuhbauh in i hruainak phunglam a si. Mipi nawlngeihnak kha a hram bik le aa ngeih bikmi mibu kha pek le cu an covo cu runven piaknak phung a si.

2. Ramzaukphung nih cozah felfainak le ram mipi ram kongkau ah i tel khawhnak lam kha khuatlang/pengtlang cozah hna sernak lamin a tuah piak. Khuatlang/pengtlang cozah hna kha anmah khuatlang/pentlang caah i uknak phung (Constitution) hna kha sernak le ngeihnak nawl a awnh.

3. Ramzaukphung cu zulh ding ram phung ttialmi ( Written constitution) in fehter asi. Rampi ( Union) cozah le ramkulh ( State) cozah karlak ah a dangdang in nawlngeihnak an ngeih veve ning le ramkhat huap in ttuanvo an ngeihnak veve kha ramphung (Constitution) nih ttial in a tthen piak hna.

 4. Ramkulh cozah duhnak le herhnak kha tlinter dingin lungtlinnak a um lio ah, a cheu ram rian biapi hna cu rampi cozah nawlngeihnak le hruainak tangah chiah ve asi. Cu hna cu , ram runvennak (Defense), ramdang he pehtlaihnak (International treaties), rampi ngunkhuai (Federal budget), thil le cakuatnak ( Postal services) hna hi asi.

 5. Ramkulh ramuknak kongah ramkulh cozah nih – police, meithat, sianginn fimcawn nak, ngandamnak le innlo saknak phungphai ah mah tein ttuanvo lak le nawlngeihnak pek a si.

6. Ramzauk cozah le ramkulh cozah karlak ah ram pumpi caah rianttuan ttinak le ttanhma lak tti nak kha : khuatlang/ pentlang le ram nih aherh caan ah ramzaku cozah nih hmunkhat ah khua khan le lairel tti in ramkulh cozah hna kha a hruai hna. Ramkulh cozah karlak ah siseh, khuatlang/ pengtlang karlak ah a ummi buaibainak hna kha ramzauk cozah tlangtlaknak in siamrem tawn a si.

7. Ram ngan le chawlehthalnak ah a tthawngmi ram ahcun, ram mipi nunning le tthancho  ning ah i ruannak a um lo tuk ahcun, ramzauk cozah nih i buaktlaknak kha ram mipi hna karlak ah a um khawhnak caah ram ngunkhuai hna kha buaktlak in ram mipi sinah a phawtzamh.

8. Ramzaukphung cu ram mipi caah ttuanvo a ngei i ram chung mipi le miphun dihlak lungrualnak le ram kongah i telnak kha asi. Ram mipi ram kongah ah siseh, cozah zung ah i tel khawhnak duhthimnak an ngei. Mah khuatlang/pengtlang cozah dirhnak le i hruainak ah an i tel kho i, mah khuaram kongkau ah ramkhel covo tampi an ngei.

1. Phung uknak sullam cu zeibantuk minung, ramhlunzik (president) le mi pumpak ahohmanh kha phung cungah an um kho lo. Democracy cozah nih nawlngeihnak kha phung ningin an hman. Cun anmah zong kha phung nih a khammi tuah lo ding le phung nih a awnhmi hna ri tiang lawng in nawlngeihnak an ngei.

2. Phung cu ram mipi duhning le tthatnak kha a dirpi tu le a langhtertu asi. Siangpahrang, nawl ngeitu, ralkap bawi, biaknak lutlai a silo ah mah tein nawl aa pemi ramkhel bu hna duhning in kal pi kha asi lo.

3. Democracy phung tang um ram mipi nihcun an ram phung uknak kha an upat i a nawl an zulh. Zatlang ah diknak le dinfelnak cu ram chung mipi hna nih phung uknak nawl an zulh tik ah hmuh asi.

4. Phung uknak tang ahcun , a tthawngmi le zalong tein biachahnak nawl a ngei khomi biaceih zung (Judicial ) a um. Cu biaceih zung nihcun ram cozah hna le uktu hna kha ram phung uknak ning tein an kal le kal lo a zohfel hna.

5. Cu ruangah biachattu ( Judge) hna cu cawnnak,thiamnak, zolawnnak, mi ttanhnak a ngei lomi an si a herh. Biachattu hna nih phung ning tein biachahnak an tuah khawhnak caah democracy phung a upatmi le a zulmi an si hrim aherh.

 6. Democracy phung hna cu phun dang dang in a um kho. Ttial mi phunghram (written constitution), zulhmi phung (statutes and regulations), biaknak le nun cawnpiaknak, nunphung lei tuahmi. Phung rat ning zeiti aa dan hmanhah, ram mipi covo le zalawnnak kha a runven lai.

 -Phung tangah thleidennak um loin i ruannak tiah chim tikah ram mi pumpak, le mibu pakhat duhnak hawih in a si lai lo.

-Ram mipi kha sual loin theihkhihnak, sullam um loin kawlhawlnak, ngeihmi thil chuhnak hna kha a ven hna lai.

-Sual phawtmi misual hna hmanh kha phung ning tein zungah chuahpi in an bia ceih hna ding. Anmah te i chimrelnak le ttanlak khawhnak covo zong an ngei ve. Sual phawk an si hmanh ah a chiakha mi hremnak pek lo ding in phung nih a kham.

-Ram mi hna cu mah pumpak in ka palh ko ti kha hramhram in hnek hna lo ding. Hi nihhin ram mipi kha hramhram in fialnak, vawlhpamhnak, tukvelhnak hna kha palik nih an hmannak hnga lo a kham ven.

 Zalawng in Chimrelnak (Freedom of Speech)

Ramkhel kongah Zalawng tein chimrel khawhnak le duhnak langhternak hi Democracy i a nunnak hrampi asi. Democracy cozah nih zalawng tein ca ttialnak le chimrel khawhnak hi a khenkham lo. Cucaah democracy phung cu ruahnak le pawmning tampi langhternak le i elnak kha zalawnnak a pek. Democracy kalpi ningnih , ruahnak le pawmning dangdang hna kha zalawng tein elnak le paihternak a um hnu ah thimmi cu a ttha bikmi ruahnak a si i, palhnak tlawm bik a chuahpi an ti.

1. Democracy cu ni tin thawngpang lutchuak a tlai khomi cathiammi, theihhngalhnak a ngeimi hna nih mipi kongkau siseh, cozah le hruaitu upa hna thiamfellonak hna hmuh khawh i, sawisel khawhnak cungah tampi a nunnak adir. Ram mipi le mipi thimmi palai hna nih democracy cu mipi ruahnak, duhnak le pawmning cungah aa hngak ti kha a theih fian.

2. A luatmi ram mipi uknak caah mipi kha an ruahnak le pawmning langhternak caah zalawnnak pek an herh. Kutka kau pi le mipi theih in le, nawlh lengmang khawhnak kha hmurkaa chimrelnak in siseh, ca ttialnak in siseh zalawnnak pek an si.

 3. Zalawng tein chimrel khawhnak cu Democracy phung nih fek tein a kilkamh ding asi. Ram phungpi nih khenkamnak hna cu cozah sin in um lo dingin a dirkamh.

 4. Zalawng tein chimrelnak runvennak he (Negative rights) covo tiah an ti. Cozah nih mipi khenkamnak kha i sum a herhnak kha a sawhduhmi cu asi. Democracy ram ahcun mipi chimrelnak le ca `ialnak ah cozah nih khenkhamnak a tuah lo.

5. Dohnak langhternak hi democracy ca ahcun hnihsaknak in pawm a si. Cucaah daihnak in pumhkhawmhnak hi chimrelnak zalawng tein hmannak caah mipi covo pakhat asi ve tiah pawm asi. Ram kongkau le thil pakhat kongkau ah ruahnak aa khat lomi i elhmainak um hi phung bantukin pawm le awnh a si. Plato