Nirukni
lihninh ruangah a thimi A tlawm bik minung 3218 an si lai tiah tawlreltu nih an chim. Hi harsatnak lei tawlreltu a simi Rameshwor Dangal nih 6500 nih hliamhma an pu tiah a chim.
Cun lamnaih innpa China le India
hna zongah a thi tawk an umlen tiah report a um. 7.8 magnitude in a cakmi
lihninh ruang le Mount Everest tlang cung vur tlakchiat tuk ruangah minung
thong lengkai cu khualeng ah zanhnih chung an um cang.
Mah vialte minung, ttihphang in a
ummi hna caah Nepal khualipi, Kathmandu hna ah dornak thlam sakpiak an si. Dawrnak
pakhat, Rabi Shrestha, 34, nih hi bantuk in vanchiatnak kan tonmi hi kanmah duh
bang si lo, kan tuahkhawhmi zeihmanh a um fawn lo cucaah hi ti hin kan chungkhar
dihlak zong lamkam ah kan ih hau ko tiah AFP sin ah a chim.
Bomhchanhnak lei ah thazaang
tampi a chuah tawntu, Rescue missions and Aid pawl zong nih rianhma an lak
cang. Hi ti bantuk in sifah harsatnak tiang a phortu, Nepal nih a temtuarnak hi
Kum 80 lengkai a si cang.
Hmun dang ka dang zongin bawmtu
tampi rat an i tim, a ra cangmi hna zong an um nain lam le zul a rawkmi le a cimmi nih a kham hna i an rak phan kho
taktak rihlo tiah, Gorkha chief Prakash Subedi nih a chim.
Inn cim nih a phumnenhmi hna zong
virhhlai cuahmah an si rih. Asinain nan rianttuan ning hi din hngallo in nan ittuan
i a tha leilo tiah Home ministry official Laxmi Prasad Dhakal nih Reuters sin
ah a chim.
Khuate cheukhat le bang cu,
vawlei mimnak a den hna i, 200,300, ah 1,000 cu leivuar, thing le lung nih a
phum hna tiah, World Vision aiawh in Matt Darvas nih a chim. Cucaah hi tluk
tiangin lam le sul a cim-manmi a tamnak hmun ahhin helicopter ti dahlo cun va vehnak
lam a um lo tiah a chimchap.
.
Kathmandu in 200km a hlatmi
Pokhara leiah Helicopter in khuacuanh a si i, inn 1,000 lengkai cu a rawkcikcek
tiah, Matt Darvas nih BBC sin ah a chim. .
Officials thawngzamhnak ah
private sii-inn hna le cozah sii-inn hna cu tutan i kan tonmi ruangah tuarhma
pumi lawngte an si tiah a chim. Hi rawhralhnak kong ah tawlreltu, Deepak Panda
nih hi viatle minung thlopbulnak dingah ramchung ah bomh kan hal hna tiah
Reuters sin ah a chim.
Cun ramdangin Mt Everest tlang
kai dingah a rami hna le a zultu Nepalese mi hna zong, an hrenmi hri le hlei, vur nih a tlakchiatpi chih tikah
ikhawndennak le thihlohnak tiang an tong ve tiah BBC nih a chim. Minung 60
lengkai cu fak ngai in hma an pu i, a dang mitam u cu tuchun ni tiang hmuh an
si rih lo tiah a chimchap. Tourism Minister Deepak Chanda Amatya nihcun Mt
Everest tlangkaimi chungin, minung 50
fai cu chanhchuah an si cang tiah, BBC nih a chim.
Bomhchanhnak Pekmi
Ø
US: $1m
((£0.7m).
Ø
China:
Anmah minung Nepal an phan.
Ø
India:
vanlawng, sii le a dangdang bomhnak.
Ø
UK:
Eight Humanitarian Team, £5m.
Ø
Pakistan:
30 beds field a ngeimi vanlawng C-130
pali, Ralkap Sii-bawi, tirawl 2,000 meals, thlam 200, le blankets 600. Cun a
dangdang thil pawl.
Ø
Norway: $3.9m (£2.5m).
Ø
Germany,
Spain, France, Israel le EU pawl zong nih bomhchanh an i tim.
Ref:: BBC
http://www.bbc.com/news/world-asia-32475030
http://www.bbc.com/news/world-asia-32475030
http://www.bbc.com/news/world-asia-32475030
No comments:
Post a Comment